कोलकाता - भारत आणि बांगलादेश यांच्यात २२ नोव्हेंबरपासून ऐतिहासिक दिवस-रात्र कसोटी सामन्याला सुरूवात होणार आहे. पहिल्यांदाच भारतात असा सामना खेळला जाणार असून या सामन्यासाठी खेळाडूंसह चाहत्यांमध्ये उत्सुकता आहे. या सामन्याआधी भारतीय फलंदाज अजिंक्य रहाणे एका फोटोमुळे चर्चेत आला आहे.
अजिंक्य रहाणेने आपल्या इन्स्टाग्राम अकाऊंटवर एक फोटो शेअर केला आहे. या फोटोत तो गुलाबी चेंडूशेजारी झोपलेला दिसत आहे. अजिंक्यने या फोटोला 'ऐतिहासिक गुलाबी चेंडू आता स्वप्नातही येत आहे', असे कॅप्शन दिले आहे.