काबूल - अफगाणिस्तान क्रिकेट बोर्डाने (एसीबी) माजी कर्णधार रईस अहमदझाई याची नवीन क्रिकेट संचालक म्हणून नियुक्ती केली आहे. अहमदझाई आता अ‍ॅन्डी मोल्सची जागा घेईल, ज्यांनी क्रिकेट संचालक आणि मुख्य निवडकर्ता म्हणून काम पाहिले होते. माजी कर्णधार अहमदझाईने अफगाणिस्तानकडून ५ एकदिवसीय आणि ८ टी-२० सामने खेळले आहेत. क्रिकेटमधून निवृत्त झाल्यानंतर तो अफगाणिस्तान संघात प्रशिक्षक म्हणून काम करत होता.
एसीबीने म्हटले "राष्ट्रीय संघासाठी तांत्रिक बाबी मजबूत करणे, खेळाडूंची क्षमता वाढवणे आणि खेळाडूंच्या विकास आणि प्रशिक्षणाशी संबंधित धोरणांची अंमलबजावणी करणे हे या नियुक्तीचे उद्दिष्ट आहे."