आजच्या दिवशीच युवराजने ठोकले ६ चेंडूत ६ षटकार, पाहा व्हिडिओ

१९ सप्टेंबर २००७ ला भारत विरुध्द इंग्लंड संघामध्ये आयसीसी विश्वकरंडक टी-२० स्पर्धेचा २१ सामना खेळण्यात आला. या सामन्यात भारतीय कर्णधार महेंद्रसिंह धोनीने नाणेफेक जिंकून प्रथम फलंदाजी करण्याचा निर्णय घेतला. भारताने १७ षटकात ३ गडी बाद १७३ धावा केल्या होत्या. यावेळी मैदानात फलंदाजी करत असलेला युवराज सिंह, इंग्लंडचा अँड्रू फ्लिंटॉफ, स्टुअर्ट ब्रॉड आणि पॉल कॉलिंगवूड यांच्यात काही वाद झाला. त्यानंतर मात्र, युवराजचे डोके सणकले. त्याने १८ वे षटक घेऊन आलेल्या ब्रॉडची जी धुलाई केली ती धुलाई अद्याप ब्रॉड विसरू शकला नाही.

नवी दिल्ली- टीम इंडियाचा माजी स्फोटक डावखुरा फलंदाज युवराज सिंह याने आजच्या दिवशीच एका षटकात ६ चेंडूत ६ षटकार ठोकण्याचा पराक्रम केला होता. २००७ च्या टी-२० विश्वकरंडक स्पर्धेतील इंग्लंडविरुध्दच्या सामन्यात युवराजने स्टुअर्ट ब्रॉडची धुलाई केली होती. त्याचा हा विक्रम टी-२० क्रिकेटमध्ये कोणालाही अद्याप मोडता आलेला नाही.

१९ सप्टेंबर २००७ ला भारत विरुध्द इंग्लंड संघामध्ये आयसीसी विश्वकरंडक टी-२० स्पर्धेचा २१ सामना खेळण्यात आला. या सामन्यात भारतीय कर्णधार महेंद्रसिंह धोनीने नाणेफेक जिंकून प्रथम फलंदाजी करण्याचा निर्णय घेतला. भारताने १७ षटकात ३ गडी बाद १७३ धावा केल्या होत्या. यावेळी मैदानात फलंदाजी करत असलेला युवराज सिंह, इंग्लंडचा अँड्रू फ्लिंटॉफ, स्टुअर्ट ब्रॉड आणि पॉल कॉलिंगवूड यांच्यात काही वाद झाला. त्यानंतर मात्र, युवराजचे डोके सणकले. त्याने १८ वे षटक घेऊन आलेल्या ब्रॉडची जी धुलाई केली ती धुलाई अद्याप ब्रॉड विसरू शकला नाही.

हेही वाचा -IND VS SA : हवेत सूर मारुन कर्णधार कोहलीने घेतला 'विराट' झेल, पाहा व्हिडिओ

ब्रॉडला युवराजने केले ट्रार्गेट -
स्टुअर्ट ब्रॉडच्या शेवटच्या षटकात युवराजने पहिल्या चेंडूवर लॉगऑनवरुन षटकार ठोकला. यानंतर दुसऱ्या चेंडूवर मिड विकेटवर युवीने षटकार लगावला. तिसरा चेंडू स्केअरलेगच्या प्रेक्षकात टोलावून युवीने षटकाराची हॅट्रीक पूर्ण केली.

तेव्हा ब्रॉडने चौथा चेंडू ऑफ स्टम्पवर फुलटॉस टाकला. युवराजने हा चेंडूही पांईन्टवरुन टोलावत षटकार वसूल केला. चार चेंडूत चार षटकार खाल्यानंतर ब्रॉडने क्रीझ बदलून गोलंदाजी करण्याचा निर्णय घेतला. ब्रॉडचा पाचवा चेंडू युवीने लॉग ऑनच्या प्रेक्षकांत भिरकावून आपले मनसूबे जाहीर केले. तेव्हा ब्रॉडला काही कळेना. प्रत्येक चेंडू युवराज मैदानाबाहेर टोलावत असल्याने ब्रॉड गांगरून गेला.

हेही वाचा -कर्णधार कोहलीने केले तीन 'विराट' विश्वविक्रम

शेवटच्या चेंडूवर इतिहास रचणे बाकी होते. ब्रॉडचा षटकातील अखेरचा चेंडू प्रेक्षकांमध्ये भिरकावत युवराज टी-२० क्रिकेटमध्ये ६ चेंडूत ६ षटकार ठोकणारा पहिला फलंदाज बनला. युवराजचा हा रेकार्ड अद्याप कायम आहे. मात्र, एकदिवसीय सामन्यात दक्षिण आफ्रिकेच्या हर्शल गिब्जने एका षटकात सहा षटकार ठोकले आहेत.

इंग्लंड विरुध्दच्या या सामन्यात युवराजने १२ चेंडूत अर्धशतक झळकावत क्रिकेट इतिहासात सर्वात जलद अर्धशतक ठोकण्याचा पराक्रम केला. युवराजने १६ चेंडूत ३ चौकार आणि ७ उत्तुंग षटकाराच्या मदतीने ५८ धावा केल्या. या स्फोटक खेळीमुळे टीम इंडियाने हा सामना जिंकला तसेच टी-२० च्या पहिल्या विश्वकरंडकावर आपले नाव कोरले.