IPL 2022 Final : क्वालिफायर-2 आणि अंतिम सामन्यापूर्वी क्रिकेट चाहत्यांनी काय म्हणले? घ्या जाणून

अहमदाबादच्या नरेंद्र मोदी स्टेडियमवर आयपीएल 2022 ( IPL 2022 ) चे क्रिकेट चाहते अंतिम सामना पाहण्यासाठी उत्सुक आहेत. अंतिम फेरीत गुजरात टायटन्सचा सामना कोणत्या संघाशी होणार याचाही अंदाज प्रेक्षक लावत ( Cricket fans statement ) आहेत.

अहमदाबाद:आयपीएल 2022 ( IPL 2022 ) च्या फायनल आणि क्वालिफायर दोन या सामन्यांसाठी अहमदाबादचे वातावरण गजबजले आहे. राजस्थान रॉयल्स आणि रॉयल चॅलेंजर्स बंगळुरू यांच्यात आज क्वालिफायर-2 सामना खेळला जात आहे. या सामन्यातील विजेता संघ रविवारी (29 मे) गुजरात टायटन्स विरुद्ध आयपीएल 2022 चा फायनल सामना ( IPL 2022 Final Match ) खेळेल.

ऑनलाईन विकले जाणारे तिकीट खरेदी करण्यासाठी नरेंद्र मोदी स्टेडियम ( Narendra Modi Stadium ) बाहेर लोक रांगा लावताना दिसत आहेत. स्टेडियमच्या बाहेर, राजस्थान रॉयल्स, रॉयल चॅलेंजर्स बंगळुर आणि गुजरात टायटन्सचे टी-शर्ट ची मोठ्या प्रमाणात विक्री होत आहे. फायनल आणि क्वालिफायर 2 सामन्यांची बहुतांश तिकिटे आधीच विकली गेली आहेत. राजस्थान रॉयल्सविरुद्धचा क्वालिफायर सामना रॉयल चॅलेंजर्स बंगळुरु जिंकेल, असा विश्वास काही प्रेक्षकांना ( Cricket fans statement before final match ) आहे. त्यामुळे फायनलमध्ये बंगळुरू आणि गुजरातची लढत होईल असा तर्क लावला जात आहे. गुजरातच्या जनतेला गुजरात टायटन्सकडून विजयाची अपेक्षा आहे, तर बाहेरचे लोक बंगळुरू संघाच्या बाजूने आहेत.

प्रेक्षकांच्या मते, रॉयल चॅलेंजर्स बंगळुरूचे ( Royal Challengers Bangalore ) गोलंदाज आणि फलंदाज फॉर्ममध्ये परतले आहेत. पहिल्यांदाच आयपीएल खेळत असलेल्या गुजरातने अंतिम फेरीत धडक मारली आहे. पहिल्यांदा सहभागी गुजरात फेंचायझीने आयपीएल स्पर्धेत करोडो रुपयांची गुंतवणूक केली आहे. तसेच फायनलमध्ये दमदार क्षेत्ररक्षण आणि गोलंदाजीच्या जोरावर गुजरातचा संघ आयपीएल 2022चे विजेतेपद पटकावेल, असा विश्वास गुजरातच्या चाहत्यांना आहे.

अहमदाबादमधील कडक उन्हामुळे, स्थानिक व्यापाऱ्यांना शीतपेये, पाणी आणि स्नॅक्स विकण्याचे काम मिळेल अशी आशा आहे. कोलकाताहून टी-शर्ट विकण्यासाठी आलेल्या फेरीवाल्यांनाही येथे चांगले जीवन जगायचे आहे.

हेही वाचा -Symonds Funeral ceremony : पाँटिंग आणि गिलख्रिस्टसह दिग्गज खेळाडूंनी सायमंड्सला दिला शेवटचा निरोप