मुंबई:आयपीएल 2022 च्या 37 व्या सामन्यात मुंबई इंडियन्स संघाला एलएसजीकडून ( LSG ) 36 धावांनी पराभूत केले. त्यामुळे मुंबई संघाला सलग आठव्या सामन्यात पराभव स्वीकारावा लागला. मुंबई इंडियन्स ( Mumbai Indians ) चे मुख्य प्रशिक्षक महेला जयवर्धने आयपीएल 2022 मध्ये त्यांच्या संघाच्या खराब कामगिरीनंतर, फलंदाजांच्या कामगिरीचा आढावा घेणार आहेत.
मुख्य प्रशिक्षक महेला जयवर्धने ( Head Coach Mahela Jayawardene ) म्हणाले, मला फलंदाजांच्या कामगिरीचा आढावा घेण्याची गरज आहे. या संघाने यापूर्वी चांगली कामगिरी केली आहे, ज्यामुळे ते पाच वेळा आयपीएल चॅम्पियन ठरले आहेत. तथापि, कर्णधार केएल राहुलच्या नाबाद शतकानंतरही एलएसजीला गोलंदाजांनी 168 धावांवर रोखल्यामुळे श्रीलंकेचा महान खेळाडू त्याच्या गोलंदाजांच्या कामगिरीने प्रभावित झाला.
जयवर्धने म्हणाले, आम्ही खूप चांगली गोलंदाजी केली. केएलने एक विशेष खेळी खेळली, त्याला माहित होते की त्याला संघासाठी मोठी धावसंख्या उभारायची आहे, जी त्याने केली. असे असतानाही संघाच्या गोलंदाजांनी एलएसजीला 168 धावांवर रोखले. तो पुढे म्हणाला की, आम्हाला गोलंदाजीतही काही सुधारणा करण्याची गरज आहे. आम्ही फलंदाजांना जास्त धावा करू दिल्या नसल्या तरी अधिक विकेट घेण्यात ते अपयशी ठरले.
संघाचा सर्वात महागडा खेळाडू इशान किशन ( Most expensive player Ishan Kishan ) याला सामना खेळण्यासाठी पूर्ण स्वातंत्र्य देऊनही आयपीएलच्या मेगा लिलावात त्याच्या कामगिरीमुळे तो निराश असल्याचेही श्रीलंकेच्या प्रशिक्षकाने सूचित केले. पहिल्या दोन सामन्यात दोन अर्धशतके झळकावल्यानंतर किशनचा फॉर्म चांगला राहिला नाही. जयवर्धने म्हणाले, आम्ही त्यांना त्यांचा नैसर्गिक खेळी खेळण्याचे स्वातंत्र्य दिले आहे. एलएसजीच्या पराभवानंतर मी अद्याप त्याच्याशी बोललो नाही, परंतु मी लवकरच त्याच्याशी बोलेन. 30 एप्रिल रोजी डीवाय पाटील स्टेडियमवर राजस्थान रॉयल्सविरुद्ध होणार आहे. त्यामुळे या सामन्यात मागील पराभवाची भरपाई करण्याचा मुंबईचा प्रयत्न असेल.
हेही वाचा -Ipl 2022 Pbks Vs Csk : पुन्हा एकदा चेन्नईच्या किंग्ज समोर आज पंजाब किंग्जचे आव्हान; मागील पराभवाचा सीएसके घेणार का बदला?
