मुंबई:आयपीएल 2022 मधून अशीच एक बातमी समोर येत आहे, जी प्रेक्षकांचा उत्साह वाढवणार आहे. बीसीसीआयने आयपीएल 2022 चा समारोप समारंभ ( Closing Ceremony ) आयोजित करण्याची घोषणा केली आहे. अहमदाबादच्या नरेंद्र मोदी स्टेडियमवर हा समारोप सोहळा होणार आहे. या सोहळ्यात संगीतकार ए आर रहमान, अभिनेता रणवीर सिंग यांच्याशिवाय क्रिकेट जगतातील अनेक दिग्गज मंडळी सहभागी होणार आहेत.
वास्तविक, आयपीएलचा शेवटचा समारोप समारंभ 2018 ( Last closing ceremony of IPL 2018 ) मध्ये झाला होता. यानंतर कोरोनामुळे आयपीएलशी संबंधित कोणत्याही प्रकारचा कार्यक्रम आयोजित करण्यात आला नाही. यावेळी सर्व तयारी पूर्ण झाली आहे. या कार्यक्रमादरम्यान, बीसीसीआय भारतीय स्वातंत्र्याची 75 वर्षाचा उत्सव अतिशय अनोख्या पद्धतीने साजरी करणार आहे.
आयपीएलच्या 15 व्या हंगामाच्या अंतिम सामन्यापूर्वी समारोप समारंभ होणार आहे. हा समारोप सोहळा सुमारे 45 मिनिटांचा ( Closing ceremony of 45 minutes ) असेल. या सोहळ्याच्या आयोजनाची जबाबदारी मंडळाने एका एजन्सीवर सोपवली आहे. समारोप समारंभात भारतीय क्रिकेटचा प्रवासही दाखवला जाणार आहे.