Ben stokes Incredible century: बेन स्टोक्सने एकाच षटकात चोपल्या तब्बल 34 धावा, 64 चेंडूत झळकावले धडाकेबाज शतक

अष्टपैलू बेन स्टोक्सने धमाकेदार अंदाजात मैदानात पुनरागमन केले आहे. कौंटी क्रिकेटमध्ये डरहमकडून खेळताना या अष्टपैलू खेळाडूने आपल्या पहिल्याच सामन्यात वॉर्कस्टरशायर विरुद्ध अवघ्या 64 चेंडूत ( Worcestershire vs 64-ball century ) धडाकेबाज शतक झळकावले.

वर्सेस्टर: इंग्लंच्या कसोटी संघाचा कर्णधार नियुक्त केल्यानंतर अष्टपैलू खेळाडू बेन स्टोक्सने ( All-rounder Ben Stokes ) धमाकेदार अंदाजात मैदानात पुनरागमन केले आहे. कौंटी क्रिकेटमध्ये डरहॅमकडून खेळताना या अष्टपैलू खेळाडूने आपल्या पहिल्याच सामन्यात शानदार फलंदाजी केली. त्याने वॉर्कस्टरशायर विरुद्ध ( Worcestershire vs Durham ) अवघ्या 64 चेंडूत धडाकेबाज शतक झळकावले. त्यामुळे डरहॅम संघाने 128 षटकांत 6 बाद 580 धावांवर आपला पहिला डाव घोषित केला.

एकावेळीस स्टोक्स 59 चेंडूत 70 धावा करुन फलंदाजी करत होता. यानंतर त्याने वूस्टरशायरचा डावखुरा फिरकी गोलंदाज जोश बेकरच्या ( Left-arm spinner Josh Baker ) एका षटकात सलग पाच षटकार मारून आपले शतक पूर्ण केले. तसेच त्याने या षटकात एक चौकार मारून एकूण 34 धावा केल्या. उपाहारापर्यंत स्टोक्सने 82 चेंडूत 147 धावा केल्या होत्या. बेन स्टोक्सने डावाच्या सुरुवातीला सावध खेळ करत 47 चेंडूत आपले अर्धशतक पूर्ण केले. पण पुढील 50 धावांसाठी त्याने केवळ 17 चेंडूंचा सामना केला. त्यानंतर बेन स्टोक्सने 88 चेंडूत 8 चौकार आणि 17 षटकारांच्या मदतीने 161 धावा केल्या.

अलीकडेच जो रुट कसोटी कर्णधारपदावरून पायउतार ( Joe Root stepped down Test captaincy ) झाल्यानंतर बेन स्टोक्सची इंग्लंडचा नवा कसोटी कर्णधार म्हणून नियुक्ती करण्यात आली. स्टोक्सने कसोटीतील त्याच्या फलंदाजीच्या क्रमाबद्दल सांगितले की, कामाचा ताण सांभाळल्यामुळे तो ६व्या क्रमांकावर फलंदाजी करताना दिसेल. दुसरीकडे, कसोटी कर्णधारपदाची जबाबदारी स्वीकारल्यावर स्टोक्सने कर्णधारपद स्वीकारताना फारसा विचार केला नाही, अशी प्रतिक्रिया दिली होती. ही परिस्थिती कोणीही नाकारू शकत नाही आणि नेतृत्वाच्या भूमिकेत अनेक गोष्टी येतात, असेही स्टोक्स म्हणाला.

आगामी उन्हाळी हंगामात कर्णधार म्हणून बेन स्टोक्सचे पहिले आव्हान असेल, जेथे इंग्लिश संघाचा सामना जागतिक कसोटी चॅम्पियन न्यूझीलंडशी ( World Test champions New Zealand ) होणार आहे. इंग्लिश संघाची कामगिरी काही काळापासून चांगली नाही आणि त्यामुळे बेन स्टोक्सला संघाला विजयी मार्गावर परत आणणे सोपे जाणार नाही.

हेही वाचा -Pv Sindhu Statement : आंतरराष्ट्रीय सर्किटवर कोणत्याही खेळाडूला पराभूत केले जाऊ शकते पीव्ही सिंधू