नवी दिल्ली : बॉर्डर गावस्कर ट्रॉफी 2023 मध्ये 4 सामन्यांच्या मालिकेतील 2 सामने गमावल्यानंतर, ऑस्ट्रेलियन संघ आणि कर्णधार पॅट कमिन्स याच्यावर ऑस्ट्रेलियन मीडियाने निशाणा साधला आहे. ऑस्ट्रेलियाचा माजी खेळाडू आणि भारत-ऑस्ट्रेलिया सामन्याचे समालोचक मार्क वॉ याने दिल्ली कसोटी पराभव लाजिरवाणा असल्याचे सांगत ऑस्ट्रेलियन संघावर जोरदार टीका केली आहे.
ऑस्ट्रेलियन मीडियाची टीका : मार्क वॉ म्हणाला की, ऑस्ट्रेलियाला दिल्ली कसोटी जिंकण्याची मोठी संधी होती, पण संघाने ती संधी गमावली. आता ऑस्ट्रेलियासाठी मालिकेत पुनरागमन करणे खूप कठीण झाले आहे. त्याचवेळी, ऑस्ट्रेलियन मीडिया आउटलेट फॉक्स क्रिकेटशी बोलताना, ऑस्ट्रेलियाचा माजी कर्णधार अ‍ॅलन बॉर्डर म्हणाला की, या लाजिरवाण्या पराभवामुळे मी खूप निराश आहे. त्याच वेळी, ऑस्ट्रेलियाच्या स्पोर्ट्स बीटचे कव्हर करणाऱ्या जॉन राल्फने ट्विट केले की, 'होय, मी सहमत आहे की ऑस्ट्रेलियन फलंदाजांच्या शॉटची निवड भयंकर आहे. मी खेळपट्ट्यांना दोष देत नाही. जेव्हा तुम्ही चिडचिड कराल तेव्हा तुम्ही भारतामध्ये आम्ही पुरेसे चांगले नाही या वास्तवाकडे दुर्लक्ष कराल. पराभवानंतर कर्णधार पॅट कमिन्स म्हणाला, आज आम्ही ज्याप्रकारे क्रिकेट खेळलो त्याचा मला खूप राग आला आहे. फलंदाजांनी त्यांच्या योजना योग्य रितीने आमलात आणल्या नाहीत. त्यांनी खेळलेले स्वीप शॉट्स घातक ठरले.