Asia Cup 2022 अफगाणिस्तानने श्रीलंकेवर आठ गडी राखून केली मात, इतर संघांना दिला सावधानतेचा इशारा

आशिया चषक 2022 Asia Cup 2022 स्पर्धेतील पहिल्या सामन्यात फगाणिस्तानने श्रीलंकेवर Afghanistan vs Sri Lanka आठ गडी राखून मात केली. त्यामुळे आता इतर संघाना अफगाणिस्तान संघापासून सावधानता बाळगण्याची गरज आहे. दुसरा सामना भारत विरुद्ध पाकिस्तान संघात रविवारी खेळला जाणार आहे, ज्याच्याकडे सर्वांचे लक्ष्य असणार आहे.

दुबईआशिया चषक 2022 Asia Cup 2022या स्पर्धेतील पहिला सामना शनिवारी अफगाणिस्तान विरुद्ध श्रीलंका Afghanistan vs Sri Lanka संघात पार पडला. या सामन्यात अफगाणिस्तान संघाने 8 विकेट्सने श्रीलंका संघाला पराभूत Afghanistan beat Sri Lanka by 8 wickets केले. श्रीलंका संघाने प्रथम फलंदाजी करताना, 19.4 षटकांत सर्वबाद 105 धावा केल्या होत्या. त्यानंतर अफगाणिस्तानने 10.1 षटकात दोन गडी गमावून 106 धावांचे लक्ष्य पार केले. ज्यामध्ये रहमानउल्ला गुरबाजने 40 आणि हजरतुल्ला झाझाईने नाबाद 37 धावा केल्या.

श्रीलंकेचा डाव केवळ 105 धावांत गुंडाळला

अफगाणिस्तानने या सामन्यात नाणेफेक जिंकत प्रथम गोलंदाजी करण्याचा निर्णय घेतला होता. अफगाणिस्तानच्या गोलंदाजांनी पहिल्याच षटकापासून आपले वर्चस्व दाखवायला सुरुवात केली. पहिल्याच ओव्हरमध्ये फजल फारुक याने दोन विकेट्स घेत श्रीलंकन संघावर दबाव बनवला. त्यानंतर मोहम्मद नबी Captain Mohammad Nabi आणि मुजीब अल रेहमान यांनी प्रत्येकी दोन विकेट घेत श्रीलंकेचा डाव केवळ 105 धावांत गुंडाळला.

10.1 षटकांत अफगाणिस्तानचा विजय

त्यानंतर दुसऱ्या डावात फलंदाजी करायला आलेल्या अफगाणिस्तानच्या फलंदाजांनी पहिल्या चेंडूपासून जोरदार फलंदाजी करायला सुरुवात केली. अफागाणिस्तानचा सलामीवीर फलंदाज रेहमनुल्ला गुरबाझ Batsman Rehmanullah Gurbaz याने केवळ 18 चेंडूत 40 धावा कुटल्या. शिवाय हजरदुल्ला झझाईने 38 धावा केल्या त्यामुळे अफगाणिस्तानने केवळ 10.1 षटकांत 106 धावांचे लक्ष्य साध्य केले.

इतर सर्व संघाना अफगाणिस्तानचा सावधानतेचा इशारा

दरम्यान, पहिल्याच सामन्यातच दमदार विजय मिळवत अफगाणिस्तान संघाने इतर सर्व संघाना सावधानतेचा इशारा दिला आहे. त्यांच्यामुळे ब गटातील चुरस वाढली असली तरी अ गटातून वर येणाऱ्या दोन्ही संघांना देखील दबावात आणण्याचे काम अफगाणिस्तान संघाने केलं आहे.

हेही वाचा -Rohit Sharma Press Conference पाकिस्तानच्या भारत दौऱ्याच्या प्रश्नावर रोहित शर्माने दिले हे मजेदार उत्तर