IPL 2022 Updates : केकेआरला मोठा धक्का; अजिंक्य रहाणे आयपीएल स्पर्धेतून बाहेर

भारताला पुढील महिन्यात इंग्लंड दौऱ्यावर जायचे आहे. या दौऱ्यासाठी अजिंक्य रहाणेला विश्रांती दिली जाऊ शकते. रहाणे सध्या ग्रेड-थ्री हॅमस्ट्रिंगच्या दुखापतीशी ( Ajinkya Rahane Grade-III hamstring injuries ) झुंज देत आहे. आयपीएलमध्ये सनरायझर्स हैदराबादविरुद्धच्या सामन्यात त्याला ही दुखापत झाली होती. यामुळे रहाणे किमान चार आठवडे क्रिकेटपासून दूर राहू शकतो.

मुंबई:कोलकाता नाइट रायडर्सचा (KKR) संघाला आयपीएल 2022 च्या अंतिम टप्प्यात मोठा धक्का बसला आहे. कारण त्यांचा आघाडीचा सलामीवीर अजिंक्य रहाणे ( Opener Ajinkya Rahane ) हॅमस्ट्रिंगच्या गंभीर दुखापतीमुळे इंडियन प्रीमियर लीग (IPL) 2022 मधून बाहेर पडला आहे. तसेच, त्याला जुलैपासून सुरू होणाऱ्या इंग्लंडविरुद्धच्या एकेरीच्या कसोटीतूनही त्याला वगळले जाऊ शकते.

14 मे रोजी पुण्यातील एमसीए स्टेडियमवर सनरायझर्स हैदराबाद विरुद्ध कोलकाताकडून फलंदाजी करताना रहाणेला दुखापत झाली होती. तो 24 चेंडूत 28 धावा करून बाद झाला. दोन वेळच्या आयपीएल चॅम्पियन्सने हैदराबादला 123/8 पर्यंत रोखले आणि 54 धावांनी विजय नोंदवला. क्रिकबझच्या वृत्तानुसार, भारतीय क्रिकेट नियामक मंडळाच्या सूत्रांनी सांगितले की, रहाणे बंगळुरू येथील राष्ट्रीय क्रिकेट अकादमीमध्ये ( National Cricket Academy ) अहवाल देणार आहे, जिथे त्याला चार आठवड्यांपेक्षा जास्त पुनर्वसन करावे लागेल.

खेळाच्या सर्वात मोठ्या फॉर्मेटमध्ये उपकर्णधारपद गमावणारा रहाणे, जानेवारीमध्ये दक्षिण आफ्रिकेविरुद्धच्या भारताच्या तीन सामन्यांच्या मालिकेदरम्यान कसोटी क्रिकेटमध्ये शेवटचा दिसला होता. आयपीएल 2022 ( IPL 2022 ) मध्ये कोलकात्यासाठी सात सामन्यांमध्ये मेगा लिलावात एक कोटीमध्ये निवडल्यानंतर रहाणेने 19 च्या सरासरीने आणि 103.90 च्या स्ट्राइक रेटने केवळ 133 धावा करू शकला. दुखापतीनंतरही फलंदाजी सुरू ठेवण्याची रहाणेची बांधिलकी संघाचा मार्गदर्शक डेव्हिड हसीच्या लक्षात आली आणि त्याने फलंदाजीसाठी केलेल्या प्रयत्नांचे कौतुक केले.

हसी म्हणाला, तुम्हाला काय हवे आहे हे जाणून घेण्यासाठी तो बाहेर राहिला. चेंडूवर जास्तीत जास्त धावा करण्याचा प्रयत्न करा. प्रत्येकासाठी हा एक मोठा धडा आहे. तुम्हाला दुखापत झाली असली तरी तुम्ही संघासाठी फलंदाजी करत आहात आणि धावांचे योगदान देत आहात.

भारतीय कसोटी संघाच्या माजी उपकर्णधाराने आधीच प्लेइंग इलेव्हनमधील स्थान गमावले आहे. त्याच्या जागी हनुमा विहारी आणि श्रेयस अय्यर आणि चेतेश्वर पुजाराला संघात स्थान मिळाले. पुजाराने नुकतेच कौंटी क्रिकेटमध्ये धमाकेदार शैलीत धावा करत टीम इंडियात पुनरागमनाचे दार ठोठावले आहे. मात्र रहाणेचे पुनरागमन येथून अवघड वाटते. भारताच्या इंग्लंड दौऱ्यासाठीचा संघ या आठवड्यात जाहीर केला जाऊ शकतो आणि भारत 16 जूनला इंग्लंडला रवाना होईल अशी अपेक्षा आहे. चेतन शर्माच्या नेतृत्वाखालील निवड समिती या आठवड्यात दोन संघ निवडण्याची अपेक्षा आहे. एक संघ इंग्लंड दौऱ्यासाठी आणि दुसरा संघ दक्षिण आफ्रिकेविरुद्धच्या घरच्या मालिकेसाठी असणार आहे.

हेही वाचा -IPL 2022: दिल्ली कॅपिटल्सकडून पंजाब किंग्सचा पराभव.. दिल्ली 17 धावांनी जिंकली.. 'अशा'प्रकारे पंजाबने हरली मॅच