नवी दिल्ली : आयपीएल 2023 च्या नवीन हंगामाला आजपासून औपचारिकरीत्या सुरुवात होणार आहे. गुजरातमधील अहमदाबाद येथील नरेंद्र मोदी स्टेडियममध्ये आयपीएल 2023 उद्घाटन सोहळा संध्याकाळी 6 वाजता होणार आहे. सोहळ्यानंतर हार्दिक पंड्याच्या नेतृत्वाखालील गुजरात टायटन्स आणि महेंद्रसिंग धोनीच्या नेतृत्वाखालील चेन्नई सुपर किंग्ज (CSK) यांच्यात सामना होईल. उद्घाटन समारंभ आणि सामन्यादरम्यान हवामान कसे असेल हे प्रत्येकाला जाणून घ्यायचे आहे. चला तर मग आज हवामान कसे असेल ते पाहूया.
पावसामुळे क्रिकेट चाहते चिंतेत :आयपीएल 2023 चा पहिला सामना पाहण्यासाठी क्रिकेट चाहते उत्सुक आहेत. सामन्याच्या एक दिवस आधी म्हणजेच गुरुवारी झालेल्या पावसामुळे क्रिकेट चाहते चिंतेत आहेत. पावसामुळे खेळ खराब होण्याची भीती त्यांना आहे. पण असे होणार नाही. Accuweather नुसार, अहमदाबादमधील सामन्यादरम्यान आकाश निरभ्र असेल. पावसाची केवळ एक टक्का शक्यता आहे. तापमान 23 अंश असणार आहे.
क्रिकेटपटूंचे करोडो चाहते :दरवर्षी होणारी क्रिकेटची ही स्पर्धा देशातील आणि जगातील लोक मोठ्या संख्येने पाहतात. पहिला सामना हार्दिक पंड्या आणि महेंद्रसिंग धोनी यांच्या संघांमध्ये आहे. महेंद्रसिंग धोनीच्या चाहत्यांनी खास धोनीसाठी आधीच तिकिटे खरेदी केली आहेत. या दोन्ही क्रिकेटपटूंचे करोडो चाहते आहेत. धोनीने आंतरराष्ट्रीय क्रिकेटमधून निवृत्ती घेतली आहे. पण त्याच्या चाहत्यांना अजूनही हेलिकॉप्टर शॉटचे वेड आहे.
सीएसकेने चार वेळा विजेतेपद पटकावले :भारतीय संघाचा माजी कर्णधार महेंद्रसिंग धोनीच्या टीम सीएसकेने आयपीएलच्या 15 हंगामांपैकी चार वेळा विजेतेपद पटकावले आहे. हार्दिकची टीम गुजरात टायटन्सने प्रथमच आयपीएल 2022 मध्ये प्रवेश केला. प्रथमच संघाने अप्रतिम कामगिरी करत चॅम्पियनचे विजेतेपद पटकावले. टायटन्सने 2008 च्या चॅम्पियन राजस्थान रॉयल्सचा अंतिम फेरीत पराभव केला. क्रिकेट चाहते दरवर्षी आयपीएलसाठी उत्सुक असतात. अखेर आयपीएल 2023 आजपासून सुरू होत आहे. पहिली मॅच 7.30 वाजता सुरू होईल.
हेही वाचा :IPL Centuries Records : जाणून घ्या आत्तापर्यंत आयपीएलमध्ये कोणत्या खेळाडूने ठोकली किती शतके
