wonder boy!..१८ वर्षाच्या लक्ष्य सेनने जिंकली बेल्जियम ओपन स्पर्धा

दुसऱया मानांकित स्वेंडसेनला लक्ष्यने २१-१४, २१-१५ असे पराभूत केले. १८ वर्षाच्या लक्ष्यने अवघ्या अर्ध्या तासाच्या खेळात हे विजेतेपद आपल्या नावावर केले. उपांत्य फेरीत किम ब्रुनविरुद्ध लक्ष्यचा सामना अतिशय रंजकपणे पार पडला. त्याने डेन्मार्कच्या ब्रूनचा २१-१८, २१-११ असा पराभव केला.

नवी दिल्ली - भारताचा युवा बॅडमिंटनपटू लक्ष्य सेनने नुकत्याच पार पडलेल्या बेल्जियम ओपन स्पर्धेत इतिहास घडवला. लक्ष्यने डेन्मार्कच्या व्हिक्टर स्वेंडसेनला हरवत बेल्जियम ओपन स्पर्धेच्या पुरुष एकेरीचे जेतेपद पटकावले आहे.

हेही वाचा -बॅडमिंटन : भारताच्या सौरभची व्हिएतनाम ओपनच्या अंतिम फेरीत धडक

दुसऱया मानांकित स्वेंडसेनला लक्ष्यने २१-१४, २१-१५ असे पराभूत केले. १८ वर्षाच्या लक्ष्यने अवघ्या अर्ध्या तासाच्या खेळात हे विजेतेपद आपल्या नावावर केले. उपांत्य फेरीत किम ब्रुनविरुद्ध लक्ष्यचा सामना अतिशय रंजकपणे पार पडला. त्याने डेन्मार्कच्या ब्रूनचा २१-१८, २१-११ असा पराभव केला.

हेही वाचा -टी-20 क्रिकेटमधे नवीन करिश्मा; 'या' दोन फलंदाजांनी सलग 7 चेंडूत ठोकले 7 षटकार

उपांत्य फेरीच्या या सामन्यात ब्रूनने ११-९ अशी आघाडी घेतली होती. मात्र लक्ष्यने ही पिछाडी भरून काढत गुणफलक १३-१२ असा केला. या सेटवर पूर्ण नियंत्रण मिळवत त्याने सेट २१-१८ ने खिशात घातला. दुसऱ्या सेटमध्ये मात्र, लक्ष्यने ब्रूनला कोणतीही संधी दिली नाही.

या सेटमध्ये लक्ष्यने सुरुवातीला ६-२ अशी आघाडी घेतली होती. त्यानंतर, त्याने आक्रमक खेळ करत ही आघाडी ११-३ अशी वाढवली. ब्रूनने थोडा प्रतिकार केला खरा पण तोपर्यंत फार उशीर झाला होता. लक्ष्यने हा सेट २१-११ ने जिंकला.