'कबिर सिंग'च्या अभिनेत्रीवर 'अर्जुन रेड्डी' फिदा, हाताने लिहून पाठवला 'हा' संदेश

दिग्दर्शक संदीप वांगा यांनी 'अर्जुन रेड्डी' हा चित्रपट दिग्दर्शित केला होता. 'कबिर सिंग' हा याच चित्रपटाचा रिमेक आहे. याही चित्रपटाचे दिग्दर्शन संदीप वांगा यांनीच केले आहे. या चित्रपटात कियाराचा निरागसपणा आणि तिच्या सौंदर्यांचे सर्वांनी कौतुक केले आहे.

मुंबई -बॉलिवूड अभिनेता शाहिद कपूर आणि कियारा आडवाणी यांच्या 'कबिर सिंग' चित्रपटाची तरुणाईवर चांगलीच भूरळ पडली आहे. अवघ्या पाचच दिवसात १०० कोटींचा गल्ला जमवणाऱ्या 'कबिर सिंग'ची वाटचाल आता २०० कोटीकडे सुरू झाली आहे. शाहिदचा अभिनय आणि कियाराच्या सहजसुंदर अदांची चाहत्यांवर छाप पडली आहे. एवढंच काय तर, 'अर्जुन रेड्डी' म्हणजे विजय देवरकोंडानेही कियाराचे कौतुक केले आहे. त्याने स्वत:च्या हाताने कियारासाठी एक संदेश लिहून तिला पाठवला आहे.

दिग्दर्शक संदीप वांगा यांनी 'अर्जुन रेड्डी' हा चित्रपट दिग्दर्शित केला होता. 'कबिर सिंग' हा याच चित्रपटाचा रिमेक आहे. याही चित्रपटाचे दिग्दर्शन संदीप वांगा यांनीच केले आहे. या चित्रपटात कियाराचा निरागसपणा आणि तिच्या सौंदर्यांचे सर्वांनी कौतुक केले आहे. प्रेक्षकही या चित्रपटावर भरभरुन प्रतिक्रिया देत आहेत.

विजय देवरकोंडा आणि कियारा

या चित्रपटात प्रितीच्या प्रेमात वेडापीसा झालेल्या 'कबिर सिंग'ची कथा दाखविण्यात आली आहे. 'अर्जून रेड्डी' देखील असाच चित्रपट होता. विजय देवरकोंडाने या चित्रपटात मुख्य भूमिका साकारली होती. हा चित्रपटही ब्लॉकबस्टर ठरला होता.

'कबिर सिंग' चित्रपटाला बॉक्स ऑफिसवर तुफान यश मिळत आहे. कियाराच्या करिअरमधला देखील हा सुपरहिट चित्रपट ठरला आहे.
लवकरच ती अक्षय कुमार आणि करिना कपूर यांच्या 'गुड न्यूज' चित्रपटातही झळकणार आहे. तसेच 'लक्ष्मी बॉम्ब', शेहशाह आणि 'इंदू की जवानी' या चित्रपटातही तिची वर्णी लागली आहे.