मड्डाराम गेली दोन वर्षांपासून क्रिकेट खेळतो आहे... पण गेल्या काही दिवसात त्याचा क्रिकेट खेळतानाचा व्हिडिओ व्हायरल झाला.यातून त्याने लोकांचे लक्ष वेधले आणि पाहता पाहता तो जगभर पसरला. त्याच्या व्हिडिओने फक्त सामान्य लोकांनाच प्रेरित केले नाही तर सचिन तेंडूलकरनेही त्याचा व्हिडिओ नवीन वर्षाच्या पहिल्या दिवशी ट्विट करीत त्याचे कौतुक केले.
दंतोवाडा या नक्षल प्रभावीत जिल्ह्यातील बेंगलूर पंचायतमध्ये मड्डारामचे घर आहे. तो सातवीत शिकत आहे. तो नेहमी शाळेच्या मित्रांसोबत क्रिकेट खेळताना दिसतो. मड्डारामला त्याच्या मित्रांचेही पूर्ण सहकार्य मिळतं. तो दिव्यांग असला तरी त्याच्यात क्रिकेट खेळण्याची इतकी जबरदस्त इच्छाशक्ती आहे, की त्याचे सहकारीही त्याच्यासोबत खेळताना आनंदित असतात. मड्डारामही आपल्या टीमला कधी निराश करीत नाही. त्याच्या क्रिकेटवरील प्रेमाकडे पाहून म्हटलं जातं की, मंझीले उन्हेंको मिलती है जिनके सपनों में जान होती है. पंख से कुछ नाही होता, होसलोंसे उडान होती है.
