मुंबई- सोनू निगम एक उत्तम गायक आहे, ही गोष्ट साऱ्या जगाला माहिती आहे. परंतु त्याचा मुलगाही उत्तम गायक होण्याच्या मार्गावर आहे हे कदाचीत काहींना माहिती नसेल. जितकी प्रतिभा सोनूमध्ये आहे तशीच ती त्याचा मुलगा निवान याच्यामध्येही उतरली आहे. अलिकडेच त्याचा एक व्हिडिओ व्हायरल झालाय. हा व्हिडिओ पाहिल्यावर तुम्हाला याची प्रचिती आल्याशिवाय राहणार नाही.
सोनूचा मुलगा निवान याने वडिलाचेच गाणे गायले आहे. सोशल मीडियावर व्हायरल झालेला त्याच्या गाण्याचा हा व्हिडिओ indiastalents नावाच्या पेजने शेअर केला आहे. सोनू एका पुरस्कार सोहळ्यात असल्याचे या व्हिडिओमध्ये दिसत आहे. त्याने आपला मुलगा निवान याला हातात धरले आहे आणि तो त्याआपल्या वडिलांचे प्रसिद्ध गीत 'अभी मुझे में कहीन' गाताना दिसत आहे. ज्या निरागसतेने लहान निवान निगम हे गाणे गात आहे त्यामुळे त्याने सर्वांची मने जिंकली आहेत. व्हिडिओवर लोकांच्या भरपूर प्रतिक्रिया मिळताना दिसत आहेत. वडील आणि मुलाच्या या जोडीवर लोक प्रेमाचा वर्षाव करत आहेत.