मुंबई - अलीकडेच टीव्ही अभिनेत्री स्नेहा वाघने तिच्या दोन लग्नांबद्दल बिग बॉस मराठीमध्ये जे भाष्य केले त्यावर काम्या पंजाबी भडकली आहे. स्नेहा वाघ सध्या 'बिग बॉस मराठी'मध्ये दिसत आहे. नुकत्याच सुरू झालेल्या या शोमध्ये गोंधळ सुरू झाला आहे. शोच्या अलीकडील भागात स्नेहा वाघ तिच्या दोन अयशस्वी विवाह आणि पतीपासून विभक्त होण्याविषयी बोलताना दिसली. स्नेहा वाघने दावा केला की पहिल्या पतीने तिचे शारीरिक शोषण केले, तर दुसऱ्या पतीने तिच्यावर अत्याचार केला.
काम्या पंजाबी स्नेहावर नाराज
हे ऐकल्यावर काम्या पंजाबी भडकली, तिने स्नेहा वाघला सोशल मीडियावर धारेवर धरले आहे. काम्या पंजाबीने ट्विटरवर स्नेहा वाघला टॅग करत लिहिले, 'तुला बिग बॉसमध्ये जायचे होते आणि तू गेलीस. पण तू व्हिक्टिम कार्ड का खेळत आहेस? तुमच्या पहिल्या लग्नाबद्दल मला काहीही माहीत नाही, परंतु जर तू फक्त खेळासाठी दुसऱ्या लग्नाबद्दलच्या अशा गोष्टी तयार करत असशील तर खबरदार. तुला चांगले माहित आहे की मी संपूर्ण सत्य बाहेर आणू शकते, शुभेच्छा. घाणेरडे खेळ खेळू नको स्नेहा. '
हेही वाचा - खतरों के खिलाडी 11: अर्जुन बिजलानी ठरला विजेता, आता ग्रँड फिनालेच्या टेलिकास्टची प्रतीक्षा