मुंबई- लोकप्रिय टीव्ही अभिनेत्री श्वेता तिवारी पुन्हा एकदा चर्चेत आली आहे. श्वेता तिच्या सौंदर्य आणि आकर्षक फिगरसाठी खूप चर्चेत असते, पण यावेळी अभिनेत्री चर्चेत येण्याचे कारण तिची आकर्षक फिगर आणि सुंदर दिसणे नसून देवावर केलेले वादग्रस्त विधान आहे. एका पत्रकार परिषदेत श्वेताने ब्रा आणि देव याबद्दल हे वादग्रस्त विधान ( shweta tiwari controversial comment ) केले होते. यावर तिला वाईटरित्या ट्रोल केले जाऊ शकते.
श्वेताचे वादग्रस्त विधान
श्वेता तिवारी तिच्या आगामी वेब सीरिजच्या संदर्भात काही दिवसांपूर्वी भोपाळमध्ये पत्रकार परिषदेत पोहोचली होती. यावेळी ती मालिकेच्या संपूर्ण टीमसोबत उपस्थित होती. अशा परिस्थितीत श्वेता तिवारीने प्रसारमाध्यमांशी संवाद साधत वादग्रस्त विधान केले आहे. यावेळी हिंदीत बोलताना श्वेता तिवारी म्हणाली, 'मेरी ब्रा का साइज भगवान ले रहे'.