मुंबई - अभिनेत्री श्रृती हसन लवकरच काजोलसोबत मल्टीस्टारर असलेल्या 'देवी' या शॉर्टफिल्ममध्ये भूमिका साकारताना दिसणार आहे. काही दिवसांपूर्वीच 'देवी'चा ट्रेलर प्रदर्शित झाला आहे. विशेष म्हणजे यामध्ये सर्व महिला कलाकारांच्या भूमिका पाहायला मिळणार आहेत. या शॉर्टफिल्मचा प्रवास अविस्मरणीय असल्याचे श्रृतीने सांगितले आहे. 'देवी'च्या अभिनेत्रींसोबतचा एक फोटो शेअर करुन तिने काही आठवणींना उजाळा दिला आहे.
'देवी' शॉर्टफिल्ममध्ये भूमिका साकारण्याचा अनुभव हा अविस्मरणीय आहे. यातील महिला कलाकारांसोबत भरपूर धमाल केली. त्यांच्याशी एक नातं तयार झालं आहे. मला वाटलं, की प्रत्येकीविषयी काहीतरी लिहावं, म्हणून ही पोस्ट..', असे लिहून श्रृतीने प्रत्येक अभिनेत्रीची प्रशंसा केली आहे.
हेही वाचा -विजय देवरकोंडासोबत स्टायलिश अंदाजात दिसणार अनन्या, सेटवरचा फोटो व्हायरल