गेल्या रविवारी सादर झालेला झी मराठी अवॉर्डचा पूर्वार्ध प्रेक्षकांना खूपच आवडला आणि ते आता या कार्यक्रमाच्या उत्तरार्धाची आतुरतेने वाट बघत आहेत. झी मराठी अवॉर्डचा उत्तरार्ध येत्या रविवारी ४ एप्रिला रोजी प्रसारित होणार आहे ज्यात मजामस्ती दुप्पट तर होणार आहेच पण डान्स पार्टी पण दुप्पट होणार आहे. आणखी बरेच सुखद आश्चर्याचे धक्के या सोहोळ्यात प्रेक्षकांना मिळणार आहेत.
झी मराठी अवॉर्डचा उत्तरार्ध 'झी मराठी अवॉर्ड्स २०२०-२१’ पूर्वार्धामध्ये देवमाणूस मालिकेतील सरु आजी आणि टोण्या या आजी-नातवंडाच्या जोडीने सर्वोत्कृष्ट विनोदी व्यक्तिरेखा विभागात पुरस्कार पटकावले. तर 'माझा होशील ना', 'येऊ कशी तशी मी नांदायला' आणि 'देवमाणूस' या मालिकांचं वर्चस्व पाहायला मिळालं. ब्रह्मे मामांनी सर्वोत्कृष्ट भावंडं आणि सासरे अशा दोन पुरस्कारांवर नावं कोरली.
झी मराठी अवॉर्डचा उत्तरार्ध माझा होशील ना ला ४, येऊ कशी तशी मी नांदायला ला ४, देवमाणूस ला ३, अग्गंबाई सासूबाई ला २, पुरस्कार मिळाले, त्यामुळे या मालिकांमध्ये स्पर्धा पाहायला मिळाली. सर्वोत्कृष्ट स्त्री आणि पुरुष व्यक्तिरेखा, कथाबाह्य कार्यक्रम, सूत्रसंचालक, नायक, नायिका, जोडी, कुटुंब, मालिका यासारखे पुरस्कार जाहीर होणार आहेत त्यामुळे मालिकांमध्ये चुरस पाहायला मिळणार हे नक्की. सोबतच या सोहोळ्यात ‘सारेगमप’ चे पंचरत्न रसिक प्रेक्षकांसाठी एक खास भेट घेऊन येणार आहेत, झी मराठी अवॉर्डचा २०२०-२१ चा उत्तरार्ध रविवार ४ एप्रिल संध्या. ७ वा. झी मराठीवर प्रसारित होणार आहे.
