मुंबई - हॉलिवूडचे ट्रिपल ऑस्कर विनिंग तसेच ट्रिपल बाफ्टा विनिंग एनिमेटर रिचर्ड विलियम्स यांचे शुक्रवारी (१६ ऑगस्ट) रोजी निधन झाले आहे. 'हु फ्रेम्ड रॉजर रॅबिट' या अॅनिमेशनपटासाठी ते ओळखले जात होते. विलियम्स हे अॅनिमेटरसोबतच दिग्दर्शक, निर्माते तसेच लेखक आणि शिक्षकही होते. त्यांच्या निधनामुळे हॉलिवूडमध्ये शोककळा पसरली आहे.
रिचर्ड विलियम्स यांनी 'पिंक पँथर'चा टायटल सिक्वेंसचे देखील अॅनिमेशन केले होते. १९५८ साली त्यांचा पहिला अॅनिमेशनपट 'द लिटिल आईसलँड' हा होता. १९७१ साली त्यांनी 'ए क्रिस्मस कॅरोल'च्या अॅनिमेशनसाठी पहिला ऑस्कर पुरस्कार मिळाला होता.