‘बडे अच्छे लगते हैं २’ च्या प्रोमोजचे दिग्दर्शन केलेय ‘बधाई हो’च्या गजराज राव यांनी!

सोनी एन्टरटेन्मेंट टेलिव्हिजन घेऊन येत आहे ‘बडे अच्छे लगते हैं २’, ज्याचे हृदयस्पर्शी प्रोमो रिलीज झाले आणि ते प्रेक्षकांना खूपच भावले. यात नकुल मेहता आणि दिशा परमार यांच्यातील संयत केमिस्ट्री खूपच सुंदर दिसते. विशेष म्हणजे या प्रोमोचे दिग्द्रशन प्रसिध्द अभिनेता गजराज राव यांनी केले आहे.

एकता कपूरची निर्मिती असलेली मालिका ‘बडे अच्छे लगते हैं’ प्रचंड गाजली होती ज्यात अभिनेता राम कपूर आणि अभिनेत्री साक्षी तन्वर यांच्या प्रमुख भूमिका होत्या. या मालिकेचा दुसरा सिझन येतोय. अनेकांच्या नजरा ‘बडे अच्छे लगते हैं’ च्या दुसऱ्या सिझनची वाट बघताहेत. या मालिकेतील राम आणि प्रिया ही लोकप्रिय जोडी या सत्रात साकारणार आहेत, नकुल मेहता आणि दिशा परमार. तिशीत असलेल्या या जोडप्यातील अबोध आणि गुंतागुंतीचे नाते उलगडून दाखवणार्‍या या मालिकेत शहरी एकाकीपण आणि इतर बरेच काही सादर होणार आहे.

सोनी एन्टरटेन्मेंट टेलिव्हिजन घेऊन येत आहे ‘बडे अच्छे लगते हैं २’, ज्याचे हृदयस्पर्शी प्रोमो रिलीज झाले आणि ते प्रेक्षकांना खूपच भावले. नकुल मेहता आणि दिशा परमार यांच्यातील संयत केमिस्ट्री दर्शवणारे, सर्वांना इतके आवडलेले, प्रोमोज दिग्दर्शित केले आहेत ‘बधाई हो’ चित्रपटात महत्वपूर्ण भूमिका बजावलेले गजराज राव या प्रसिद्ध भारतीय अभिनेत्याने.

इन्स्टाग्रामवर नकुलने त्यांच्यासाठी एक छोटीशी गोड नोट देखील लिहिली. तो लिहितो, “हा असा उद्योग आहे, जिथे तुम्ही एकामागून एक कामे करत राहता, वेळेची बंधने पाळता, येथील कामाच्या स्वरूपामुळे प्रत्येक टप्प्यावर जुळणारी नाती एका सामान्य दिनचर्येचा भाग असतात. @गजराजराव मात्र त्याला अपवाद आहेत. सुमारे एक दशकापूर्वी आम्ही दोघांनी एका चॉकलेटच्या जाहिरातीत एकत्र काम केले होते त्यानंतर आता माझ्या नव्या टीव्ही मालिकेच्या लॉन्च-अभियानासाठी काही प्रोमोजमध्ये मला त्यांचे दिग्दर्शन लाभले.”

गंमत म्हणजे नकुल मेहताने या आधी एका चॉकलेटच्या जाहिरातीत गजराज राव यांच्यासोबत काम केलेले आहे. या निमित्ताने नकुलने आपल्या इन्स्टाग्रामवर गजराज राव सोबतचा स्वतःचा एक फोटो शेअर केला आहे व त्यात त्याने गजराज राव यांना ‘gorgeous anomaly म्हणून संबोधले आहे.

तो पुढे म्हणतो, “ते तुम्हाला वेळ देतात, तुमच्याशी छान नातं निर्माण करतात, तुमची मानसिकता जाणून घेतात, एक सुंदर कलाकृती आपण कशी निर्माण करू शकतो याबद्दल चर्चा करतात, शूटिंग करताना असेच काही किस्से ऐकवतात (ते फारच छान असतात), तुम्ही नीट जेवला आहात ना, याची विचारपूस करतात, तुमच्या स्टाफपैकी सगळ्यांची नावे जाणून घेतात, त्यांची प्रतिक्रिया देतात, तुम्हाला प्रोत्साहन देतात, वेगवेगळ्या शक्यता दाखवतात, आणि मग तुम्हाला एक कलाकार म्हणून पूर्ण मान देऊन अलगदपणे आपले काम काढून घेतात. या गोड स्वभावाबद्दल गजराज सर, तुमचे आभार! तुम्ही विचारपूर्वक दिलेल्या भेटवस्तूबद्दलही आभार. काल रात्रीच मी ते पुस्तक वाचून संपवले, त्याने मला भरपूर ऊर्जा मिळालीय. मला आशा आहे, की आपण पुन्हा लवकरच एकत्र काम करू.”

या गोड नोटला उत्तर देताना गजराज राव यांनी त्या पोस्टवर लिहिले, “तू आणि दिशा परमार यांच्याबरोबर काम करायला खूपच मजा आली. या मालिकेतील तुमच्या पुढील वाटचालीसाठी तुम्हाला माझ्या शुभेच्छा आहेत. आपण भविष्यात अनेक प्रोजेक्ट एकत्र करू हीच आशा!”

बडे अच्छे लगते हैं २ चे प्रोमोज प्रेक्षकांना भलतेच आवडले आहेत. त्यांना नकुल आणि दिशा यांच्यातील पडद्यावरची केमिस्ट्री खूपच लोभस वाटत आहे. ‘बडे अच्छे लगते हैं २’ सुरू होत आहे ३० ऑगस्ट २०२१ रोजी सोनी एन्टरटेन्मेंट टेलिव्हिजनवर.

हेही वाचा - ‘बिग बॉस ओटीटी’ चे को-होस्टिंग करण्यासाठी करण जोहरला हवाय 'हा' अभिनेता!!