फिल्म आणि टीव्ही इंडस्ट्रीसह अनेकांना #MeToo मिटू चळवळीने धक्का दिला होता. आजही ही चळवळ थांबली आहे असे वाटत असतानाच अभिनेत्री स्वाती भदवे हिने प्रॉडक्शन कंट्रोलरवर तसाच आरोप केला आहे. 'सहकुटुंब सहपरिवार' या टीव्ही मालिकेचा प्रॉडक्शन कंट्रोलर स्वप्नील लोखंडेनं आपल्याकडे शरीर सुखाची मागणी केली होती असा धक्कादायक खुलासा स्वातीने केल्यामुळे टीव्ही इंडस्ट्रीत खळबळ उडाली आहे.
'सहकुटुंब सहपरिवार' या टीव्ही मालिकेतील ज्येष्ठ अभिनेत्री अन्नपूर्णा विठ्ठल यांनी या मालिकेचे निर्माते व सहकलाकारांवर मानसिक छळ केल्याचा गंभीर आरोप काही दिवसापूर्वी केला होता. त्यानंतर स्वाती भदवेनेही मालिकेच्या प्रॉडक्शन कंट्रोलर विरोधात गोरेगाव पोलिस ठाण्यात एफआयआर दाखल करण्यात आली आहे. त्यानंतर प्रॉडक्शन कंट्रोलर स्वप्नील लोखंडे याला अटक करण्यात आली आहे.
खरंतर हे प्रकरण जुने असल्याचे समजते. आत्ताच का तक्रार केली असे विचारले असता अभिनेत्री अन्नपूर्णा विठ्ठल यांनी तक्रार केल्यानंतर आपल्याला बळ मिळाल्याचे स्वातीने मीडियाशी बोलताना सांगितले आहे.