सामान्यांना कळत नाही, या भ्रमात राहू नका; या जनतेने काँग्रेसलाही घरी बसवले, प्रियदर्शन जाधवचा मोदींना टोला

राजीव गांधी ह्यांच्याबद्दल केलेल्या विधानाने तर पूर्णपणे मनातून उतरलात असे ट्विट करत प्रियदर्शनने मोदींना टॅग केले आहे.

मुंबई- दिवंगत माजी पंतप्रधान राजीव गांधी यांच्याबद्दल पंतप्रधान नरेंद्र मोदींनी केलेले वक्तव्य सध्या चांगलेच चर्चेत आहे. मोदींनी उत्तर प्रदेशातील रॅलीमध्ये राहुल गांधींवर टीका करत 'तुमचे वडील दिवंगत माजी पंतप्रधान राजीव गांधी पहिल्या क्रमांकाचे भ्रष्टाचारी म्हणून या जगातून गेले' असल्याचे वक्तव्य केले होते. या वक्तव्यावर अनेकांनी आक्षेप घेतला. यात कलाकारांचाही समावेश आहे.

टाईमपास २ चित्रपटात दगडू ही व्यक्तीरेखा साकारणाऱ्या प्रियदर्शन जाधवनेही मोदींच्या या वक्तव्यावर आक्षेप घेतला आहे. राजीव गांधी ह्यांच्याबद्दल केलेल्या विधानाने तर पूर्णपणे मनातून उतरलात असे ट्विट करत प्रियदर्शनने मोदींना टॅग केले आहे. सामान्य माणसाला काहीच कळत नाही, अशा भ्रमात राहू नका. ही तीच माणसं आहेत ज्यांनी तुम्हाला सत्ता दिली आणि काँग्रेसला घरी बसवलं. बाकी तुम्हाला सांगायची गरज नाही, अशा शब्दांत त्याने मोदींना टोला लगावला आहे.