वॉशिंग्टन - अमेरिकेची माजी फर्स्ट लेडी मिशेल ओबामा यांनी नेटफ्लिक्सवरील आगामी डॉक्यूमेंटरी 'बिकमिंग'ची एक झलक सोशल मीडियावर शेअर केली आहे. "यात पूर्णपणे मी आहे. 'पहिल्यांदा अनप्लग्ड'" असे त्यांनी लिहिलंय.
वर्ल्ड आयकॉन मिशेल ओबामा यांनी ट्विटरवर आगामी 'बिकमिंग' या नेटफ्लिक्सवरील डॉक्यूमेंटरीची झलक शेअर केली आहे. यात मिशेल यांच्या आयुष्यातील प्रसंग क्रमवार दाखवण्यात आले आहेत. त्यांच्या लहानपणापासून ते त्या आज ज्या स्थानावर आहेत तिथपर्यंतचा प्रवास यात पाहायला मिळेल.
मिशेल यांनी 'बिकमिंग'चा १ मिनीट ४९ सेकंदाचा ट्रेलर शेअर केला आहे. यात त्या आपल्या आयुष्यातील ८ वर्षे कशी होती याबद्दल समजावत आहेत.