मुंबई - लोकप्रिय टीव्ही अभिनेत्री मौनी रॉय पती सूरज नांबियारसोबत यावर्षीच्या पहिल्या होळीचा आनंद साजरा करीत आहे. या खास प्रसंगी मौनीने चाहत्यांचे मन जिंकणारे फोटो सोशल मीडियावर शेअर केले आहेत. या यामधील एक फोटो तिच्या चाहत्यांना खूप पसंत पडत आहे. मौनी आणि सूरज या वर्षी २७ जानेवारीला मल्याळी आणि बंगाली रितीरिवाजानुसार विवाहबद्ध झाले. आता हे जोडपे लग्नानंतरची पहिली होळी एन्जॉय करत आहेत.
मौनी रॉयने लग्नानंतरच्या पहिल्या होळीची तयारी केली असून चाहत्यांना शुभेच्छाही दिल्या आहेत. मौनीने तिच्या सोशल मीडिया अकाउंट इंस्टाग्रामवर पती सूरजला होळीच्या शुभेच्छा देत सुंदर फोटो शेअर केले आहेत. यातील एका फोटोत मौनीने भारतीय संस्कृती आणि परंपरेचे उत्तम उदाहरण दिले आहे.
या जबरदस्त फोटोमध्ये मौनी रॉय पती सूरजच्या पायावर रंग लावून होळीच्या शुभेच्छा देत आहे. मौनीच्या या फोटोने तिच्या चाहत्यांची मनं जिंकली आहेत आणि ते पाहून फॉलोअर्स लाईक बटण दाबत आहेत.