मुंबई -बॉलिवूड 'क्विन' कंगना रनौत आणि अभिनेता राजकुमार राव यांची जोडी 'मेंटल है क्या' या चित्रपटातून पुन्हा एकदा प्रेक्षकांच्या भेटीला येणार आहे. या चित्रपटाचे पोस्टर आणि टीजरमधून दोघांचाही लूक समोर आला होता. सोशल मीडियावर या पोस्टरला चाहत्यांची पसंतीही मिळाली. मात्र, प्रदर्शनाच्या पूर्वीच या चित्रपटाच्या शिर्षकावरुन वादंग निर्माण झाले आहेत.
'मेंटल है क्या' चित्रपटाच्या पोस्टरमध्ये ज्याप्रकारे कंगना आणि राजकुमार ब्लेडसोबत खेळताना दिसतात हे मानसिक विकारांचं विचित्र चित्रण असल्याचे इंडियन सायक्रेटिक सोसायटीने म्हटले आहे. याबाबात त्यांनी सेन्सॉर बोर्डाला तक्राररुपी पत्रही पाठवले आहे. या चित्रपटाचे नाव बदलण्यात यावे तसेच, ही दृश्यदेखील काढण्यात यावी, अशी मागणी या पत्रातुन करण्यात आली आहे.