'केबीसी'च्या हॉट सीटवर जॅकी श्रॉफने उलगडले 'भीडू' स्टाईलचे रहस्य!!

अमिताभ बच्चन यांचा लोकप्रिय टीव्ही क्विझ शो 'कौन बनेगा करोडपती'चा 13 वा सीझन सध्या सुरू आहे. या सिझनमध्येही अनेक स्पर्धक मोठमोठी रक्कम जिंकत आहेत. दरम्यान या शोमध्ये अधूनमधून बॉलिवूड स्टार्सही हजेरी लावत असतात. येत्या शुक्रवारी याशोमध्ये अभिनेता जॅकी श्रॉफ आणि सुनील शेट्टी झळकणार आहेत. याचे काही प्रोमोज रिलीज झाले आहेत

मुंबई - अमिताभ बच्चन यांचा लोकप्रिय टीव्ही क्विझ शो 'कौन बनेगा करोडपती'चा 13 वा सीझन सध्या सुरू आहे. या सिझनमध्येही अनेक स्पर्धक मोठमोठी रक्कम जिंकत आहेत. दरम्यान या शोमध्ये अधूनमधून बॉलिवूड स्टार्सही हजेरी लावत असतात. येत्या शुक्रवारी याशोमध्ये अभिनेता जॅकी श्रॉफ आणि सुनील शेट्टी झळकणार आहेत.

जॅकी आणि सुनिल शेट्टीची हॉट सीटवर धमाल

दर वेळे प्रमाणे, या वेळी देखील चॅनेलने आपल्या अधिकृत इन्स्टाग्राम अकाउंटवर शोची एक झलक शेअर केली आहे. यात शोचे होस्ट अमिताभ बच्चन अभिनेता जॅकी श्रॉफ आणि सुनील शेट्टीसोबत हॉट सीटवर मस्ती करताना दिसत आहेत. अमिताभ बच्चन अभिनेता जॅकी श्रॉफला 'भीडू' या शब्दाचे रहस्य विचारत असल्याचे या छोट्या झलकमध्ये दिसून येते. बिग बींनी जॅकीला विचारले की त्याने ही भाषा कोठून शिकली? जॅकीने या प्रश्नाचे उत्तर अतिशय मजेदार पद्धतीने दिले. खालील व्हिडिओमध्ये जॅकी श्रॉफ काय म्हणाले ते पहा.

जॅकीने उलगडले भीडू शब्दाचे रहस्य

अमिताभ बच्चन यांच्या प्रश्नाला उत्तर देताना जॅकी श्रॉफ म्हणाले, 'पहले तो ये एरिया अपना... फिर आप भी थे....हम लोग तो बाद में आए हैं.' हे ऐकल्यानंतर तिन्ही अभिनेते प्रचंड हसताना दिसतात. यानंतर अमिताभ बच्चन जबरदस्त फिल्मी संवाद बोलताना दिसतात. ही गोष्ट जॅकी आणि सुनिल एन्जॉय करताना दिसतात. जॅकी श्रॉफ बॉलिवूडमध्ये अजूनही त्याच्या रफ अँड टफ बोलण्यासाठी प्रसिद्ध आहे.

जॅकी श्रॉफने केले भीडू स्टाईलमध्ये अँकरिंग

शोच्या आणखी एका प्रोमो क्लिपमध्ये जॅकी श्रॉफ त्याच्या भीडू स्टाईलमध्ये केबीसी -13 शो होस्ट करताना दिसत आहे. केबीसी होस्ट करण्याची संधी दिली गेली तर तुम्ही ते कसे कराल, असे सुनिलने विचारले असता जॅकीने आपल्या स्टाईलमध्ये अँकरिंग केले.

हेही वाचा - राहुल वैद्याच्या वाढदिवसानिमित्य पत्नी दिशा परमारने केला प्रेमशुभेच्छांचा वर्षाव