लग्नानंतर घ्याव्या लागणाऱ्या अनपेक्षित वळणाची गोष्ट 'यू टर्न'

नवरा बायकोच्या नात्याभोवती या वेब सीरिजची कथा फिरते. हे नातं जितकं गोड तितकंच ते टिकवणं कठीण आहे. एकमेकांना सांभाळत पुढे जाताना वारंवार भांड्याला भांड लागतंच आणि मग सुरू होते त्या नात्यापासून यू टर्न घेण्याची धडपड.

मुंबई- मराठी वेब सीरिजच्या विश्वात सध्या अनेक वेगवेगळे प्रयोग केले जात आहेत. या प्रयोगांना तरुणाईचा चांगला प्रतिसादही मिळताना दिसतो. अशात आता मुव्हिंग आऊट या वेबसिरीजच्या यशानंतर दिग्दर्शक मयुरेश जोशी एक नवी कोरी वेब सीरिज आपल्या भेटीला घेऊन आले आहेत, जिचं नाव आहे 'यू टर्न'.

झळकणार हे कलाकार -

'काहे दिया परदेस' या मालिकेतील गौरीच्या भूमिकेमुळे घराघरात पोहोचलेली अभिनेत्री सायली संजीव आणि 'लक्ष्मी सदैव मंगलम', 'खुलता कळी खुलेना' या मालिकेंमुळे लोकप्रिय झालेला चेहरा ओमप्रकाश शिंदे हे दोघे 'यू टर्न' या वेबसीरिजच्या निमित्ताने पहिल्यांदाच एकत्र काम करताना दिसणार आहेत.

अशी असणार कथा -

नवरा बायकोच्या नात्याभोवती या वेब सीरिजची कथा फिरते. हे नातं जितकं गोड तितकंच ते टिकवणं कठीण आहे. एकमेकांना सांभाळत पुढे जाताना वारंवार भांड्याला भांड लागतंच आणि मग सुरू होते त्या नात्यापासून यू टर्न घेण्याची धडपड. यातून पुढे नेमकं काय घडत जात हे या वेब सीरिजद्वारे आपल्याला पाहायला मिळणार आहे. या वेबसिरीजमध्ये एक मोठी सुंदर गजल ऐकायला मिळणार असून ती स्वतः या सीरिजचे दिग्दर्शक मयुरेश जोशी यांनीच संगीतबद्ध करून गायलीही आहे. वेबसिरीजच्या सहा एपिसोडद्वारे आपल्याला ती ऐकायला मिळेल.

'राजश्री मराठी'च्या 'यू ट्यूब चॅनल'वर ही सीरिज सुरू झाली असून प्रत्येक मंगळवारी एक यानुसार तिचे 2 एपिसोड रिलीज झालेत. आता हे एपिसोड प्रेक्षकांना किती आवडतात ते लवकरच कळेल पण सायली आणि ओमप्रकाश यांना एकमेकांसोबत काम करून कस वाटलं, ते त्यांच्याकडून जाणून घेतले आहे आमचे प्रतिनिधी विराज मुळे यांनी..