मराठी परंपरा, मराठी प्रवाह हे ब्रीदवाक्य जपणाऱ्या ‘स्टार प्रवाह’वाहिनीने प्रेक्षकांची मनं जिंकत नंबर वन हे बिरुद कायम ठेवलं आहे. दर्जेदार कार्यक्रमांच्या माध्यमातून रसिकांना मनोरंजनाची पर्वणी देणाऱ्या या वाहिनीवर लवकरच ‘स्टार प्रवाह परिवार पुरस्कार’ पाहायला मिळणार आहे.
रेड कार्पेटवर मराठी कलाकार मन सुखाने भरे तुडुंब, जेव्हा एकत्र येई कुटुंब, सण साजरे एकत्र करू, धम्माल मस्ती फेर धरू
कौतुक कर्तृत्वाचे करूया, नाते आपुलकीचे घट्ट जपूया, चला, परंपरा आपली राखूया, मराठी संस्कृती जपूया...! असे म्हणत स्टार प्रवाह परिवार पुरस्कार सोहळा संपन्न झाला. दिमाखात पार पडलेला हा सोहळा प्रेक्षकांना दर्जेदार मनोरंजन देईल.
स्टार प्रवाह परिवार पुरस्कारांचं हे दुसरं वर्ष आहे. मुलुंड येथील कालिदास नाट्यगृहामध्ये नुकताच हा रंगारंग सोहळा पार पडला. स्टार प्रवाहच्या कुटुंबातील सर्वच सदस्यांनी या खास सोहळ्याला हजेरी लावली होती. रेड कार्पेटवरचा कलाकारांचा हटके अंदाज लक्ष वेधणारा होता. एरव्ही स्टार प्रवाहच्या लोकप्रिय मालिकांमधील या लोकप्रिय कलाकारांना त्यांच्या व्यक्तिरेखेमध्ये आपण भेटत असतो. पण स्टार प्रवाह परिवार पुरस्काराच्या निमित्ताने या सर्व कलाकारांचा अनोखा अंदाज भाव खाऊन गेला.
रेड कार्पेटवर मराठी कलाकार स्टार प्रवाहच्या कुटुंबाचा हा कौतुक सोहळा म्हणजे प्रेक्षकांसाठी मनोरंजनाची अनोखी पर्वणी असणार आहे. खुमासदार सूत्रसंचालन, धमाकेदार परफॉर्मन्सेस आणि विनोदी आतषबाजीने परिपूर्ण असा हा सोहळा प्रेक्षकांसाठी मनोरंजनाची मेजवानी असेल.
रेड कार्पेटवर मराठी कलाकार रविवार ३ एप्रिलला संध्याकाळी ७ वाजता स्टार प्रवाह परिवार पुरस्कार २०२२ हा दैदिप्यमान सोहळा स्टार प्रवाह वाहिनीवर पाहायला मिळणार आहे.
हेही वाचा -आत्म शोधाची हृदयस्पर्शी कथा असलेल्या 'शर्माजी नमकीन'चा ट्रेलर रिलीज
