मुंबई- बिग बॉस हा वादग्रस्त रिअ‍ॅलिटी शोमध्ये घाणेरडी भाषा, ओंगळवाणे वागणे, कमरेखालचे विनोद यांची नेहमीच रेलचेल पाहायला मिळाली आहे. असे असले तरी या शोच्या निर्मात्यांनी एक परंपरा जपली आहे, ती म्हणजे शारीरिक मारहान न करण्याची. बिग बॉसच्या घरात ज्या स्पर्धकांनी मारहान करण्याचा पर्यत्न केला त्यांना बाहेरचा रस्ता दाखवण्यात आला.
प्रत्येक सिझनमध्ये मारहान न करण्याची सूचना स्पर्धकांना देण्यात येते. परंतु स्पर्धक स्वतःवरचे नियंत्रण गमावतात आणि हिंसक बनतात. अशांना तातडीने बिग बॉसमधून हाकलले गेल्याचे आजवर पाहायला मिळाले आहे.
विकास गुप्ता
विकास हा बिग बॉसच्या १२ व्या सिझनमधील उत्तम स्पर्धक होता. अर्शी खानसोबत झालेल्या भांडणामुळे त्याला घराबाहेरचा रस्ता दाखवण्यात आला होता. त्याने अर्शी खानला भांडणात स्विंमिंग पूलमध्ये ढकलून दिले होते.
मधुरिमा तुली
मधुरिमा आणि तिचा माजी प्रियकर विशाल आदित्य सिंह बिग बॉसच्या १३ व्या सिझनमध्ये सहभागी झाले होते. दोघांच्यातील भांडण चांगलेच गाजले होते. त्यांचे संबंध पूर्ण बिघडले होते. विशालने मधुरिमावर पाणी फेकले आणि मग ती उठली आणि फ्राईंग पॅनने त्याला मारण्यास सुरूवात केली, यामुळे तो जखमी झाला. त्यानंतर मधुरिमाला घर सोडण्यास सांगण्यात आले.
झुबेर खान
झुबेरने ११ व्या हंगामात तथाकथित "दादा" म्हणून प्रवेश केला. तथापि, महिलांविषयी असभ्य आणि अनादर असलेल्या स्वभावामुळे त्याला प्रवेशानंतर काही दिवसांतच बाहेर जाण्यास सांगण्यात आले. शोचे होस्ट सलमान खान त्याच्या वागण्यामुळे चिडला आणि त्याला घरातून जाण्यास सांगितले.
प्रियंक शर्मा
सीझन ११ चा हाऊसमेट प्रियंक हा एक मजबूत स्पर्धक होता. तथापि, सहकारी स्पर्धक आकाश दादलानीशी झालेल्या झुंजीदरम्यान त्याने हात उगारल्यामुळे त्याला शो सोडण्यास सांगण्यात आले. नंतर प्रियंकला पुन्हा शोमध्ये आणण्यात आले.