मुंबई -अभिनेत्री सोनम कपूर हिच्या आगामी 'झोया फॅक्टर'चा टीझर काहीच दिवसांपूर्वीच प्रदर्शित झाला आहे. या टीझरमध्ये सोनमची झलक पाहायला मिळाली. आता यामधील एकेक कलाकाराचा फर्स्ट लूक प्रदर्शित होत आहे. अभिनेता अंगद बेदीची देखील या चित्रपटात महत्वपूर्ण भूमिका आहे. त्याचा फर्स्ट लूक समोर आला आहे.
'झोया फॅक्टर' हा चित्रपट अनुजा चौहान यांच्या कादंबरीवर आधारित आहे. सोनम कपूर आणि दुलकर सलमान यांची या चित्रपटात मुख्य भूमिका आहे. तर, चित्रपटात अंगद बेदी हा क्रिकेटरच्या भूमिकेत पाहायला मिळेल.