अभिनेता-दिग्दर्शक योगेश भोसलेचा नवा सिनेमा ‘143‘ !

हल्लीच्या तरुणाईच्या परिभाषेत ‘आय लव्ह यू’ व्यक्त होण्यासाठी एक अंक वापरला जातो तो म्हणजे ‘143‘. तोच अंक शीर्षक घेऊन एक चित्रपट येऊ घातलाय ज्याचे दिग्दर्शन केलंय अभिनेता ते दिग्दर्शक असा प्रवास केलेल्या योगेश भोसले याने. ‘143’ हा चित्रपट प्रेमाची परिभाषा बदलणारा असून प्रत्येकाची लव्हेबल लव्हस्टोरी असेल.

हल्लीच्या तरुणाईच्या परिभाषेत ‘आय लव्ह यू’ व्यक्त होण्यासाठी एक अंक वापरला जातो तो म्हणजे ‘143‘. तोच अंक शीर्षक घेऊन एक चित्रपट येऊ घातलाय ज्याचे दिग्दर्शन केलंय अभिनेता ते दिग्दर्शक असा प्रवास केलेल्या योगेश भोसले याने. 'बाजार', 'घाट', आणि 'एक मराठा-लाख मराठा' सारख्या चित्रपटांसाठी प्रसिद्ध असलेला अभिनेते-दिग्दर्शक योगेश भोसले आता त्याचा पुढील चित्रपट '143' यावर्षी प्रदर्शित करणार आहे. लवकरच महाराष्ट्रातील चित्रपटगृहे उघडणार आहेत आणि हा चित्रपट चित्रपटगृहांतच प्रदर्शित करून हाऊसफुलचे बोर्ड पटकावण्याचा मानस त्याने बोलून दाखविला आहे. नुकतेच, त्याने त्याच्या आगामी '143' या मराठी चित्रपटाच्या पहिल्या पोस्टरचे अनावरण केले, त्याच्या सोशल नेटवर्किंग पेजवर.

‘143’ हा चित्रपट प्रेमाची परिभाषा बदलणारा असून प्रत्येकाची लव्हेबल लव्हस्टोरी असेल. 'शारदा फिल्म्स प्रॉडक्शन' निर्मित '143' चित्रपटाचे प्रोमोशन सोशल मीडियावर सुरु असून गेल्या काही दिवसापासून 'हे आपलं काळीज हाय' या टॅगलाईनने सोशल मीडियावर धुमाकूळ घातला आहे. सोशल मीडियावर तर जनतेने या 'हे आपलं काळीज हाय' टॅगलाईनला उत्स्फूर्त प्रतिसाद दिला असून त्यांचे काळीज कोण आहे याचा देखील उलगडा कमेंट बॉक्स मध्ये केला आहे. चित्रपटाचे पोस्टर हे प्रेमबद्ध कथेला बांधून ठेवणारे आहे हे पोस्टर पाहताच लक्षात येते. मात्र पोस्टरवरून नेमके कोणते कलाकार या चित्रपटात झळकणार आहेत याचा उलगडा केला नसल्याने चित्रपटात नेमके कोणते कलाकार झळकणार याकडे सिनेरसिकांच्या नजरा लागून राहिल्या आहेत.

'हे आपलं काळीज हाय' ही टॅगलाईन '143' चित्रपटाची असून चित्रपटात कोण कोणाचे काळीज आहे हे 'शारदा फिल्म्स प्रॉडक्शन' तर्फे आणि विरकुमार शहा निर्मित '143' (हे आपलं काळीज हाय) या चित्रपटातून लवकरच उलगडणार आहे. या चित्रपटाचे चित्रीकरण दाक्षिणात्य पद्धतीने केले असून मराठी चित्रपटांमध्ये वेगळेपण दर्शविणारा हा सिनेमा असणार आहे. दिग्दर्शक योगेश भोसले दिग्दर्शित या चित्रपटाचे संगीत पी. शंकरम यांनी संगीतबध्द केले आहे. दाक्षिणात्य चित्रपटसृष्टीत नामांकित असलेले नृत्य दिग्दर्शक आर. कलाई केरला यांनी या चित्रपटात नृत्य दिग्दर्शकाची जबाबदारी उत्तमरीत्या पेलली आहे तर छायाचित्रकार विकास सिंग यांनी छायांकनाची जबाबदारी सांभाळली आहे.

कोरोनाच्या काळात चित्रपटगृहे संपूर्णपणे बंद होती आणि ती उघडण्याची प्रेक्षक आणि सिनेसृष्टी आतुरतेने वाट पाहत आहे. प्रेमाचे लव्हेबल फंडे घेऊन चित्रपटगृह सुरू होताच '143' (हे आपलं काळीज हाय) ​हा नवा चित्रपट प्रेक्षकांच्या भेटीस येण्यास सज्ज आहे. चित्रपटाचे पोस्टर प्रेक्षकांची उत्सुकता वाढविणारे असून साऱ्या सिनेप्रेमींच्या नजरा हा चित्रपट कधी प्रदर्शित होईल याकडे लागल्या आहेत.

हेही वाचा - अहान शेट्टीच्या पदर्पणीय ‘तडप’ची प्रदर्शन तारीख झाली जाहीर!