वॉशिंग पावडरच्या जाहिरातीमुळे अक्षय कुमार अडचणीत, तक्रार दाखल

वरळी पोलीस ठाण्यात अक्षयकुमारच्या विरोधात शिवप्रेमींकडून तक्रार दाखल करण्यात आली आहे.

मुंबई -अभिनेता अक्षय कुमार वादाच्या भोवऱ्यात अडकण्याची शक्यता आहे. वरळी पोलीस ठाण्यात अक्षयकुमारच्या विरोधात शिवप्रेमींकडून तक्रार दाखल करण्यात आली आहे. अक्षयकुमार याने 'निरमा' पावडरच्या जाहिरातीमधून छत्रपती शिवाजी महाराज व त्यांच्या मावळ्यांचा अपमान केला असल्याचे तक्रारीमध्ये म्हटले आहे.

संबधीत जाहिरातीमध्ये अक्षय कुमार हा मावळ्याच्या भूमिकेमध्ये आहे. जाहिरातीमध्ये करण्यात आलेलेल चित्रण आक्षेपार्ह असल्याचे तक्रारीमध्ये म्हटले आहे. कंपनीच्या उत्पादनावर बहिष्कार टाकत असून निरमा कंपनीवर योग्य कारवाई करण्यात यावी, असे तक्रारीमध्ये म्हटले आहे. अक्षय या जाहिरातीवरून वादात सापडला आहे.