हैदराबाद: यंदाच्या ९४व्या अकादमी पुरस्कारांसाठी (Oscar 2022 Nomination) नामांकने जाहीर करण्यात आली आहेत. यंदाच्या ऑस्कर पुरस्कारांकडून भारताला अनेक अपेक्षा होत्या. 'जय भीम' ( Jay Bhim ) हा चित्रपट सर्वोत्कृष्ट चित्रपटाच्या नामांकना यादीत असेल अशी आशा बाळगण्यात आली होती. मात्र तसे घडले नाही. यावर्षी 'रायटिंग विथ फायर' ( Writing With Fire ) या माहितीपटाने सर्वोत्कृष्ट माहितीपट वैशिष्ट्य श्रेणीमध्ये ( Best Documentary Feature category ) नामांकन मिळवून आपली उपस्थिती नोंदवली आहे. या वर्षीच्या ऑस्करसाठी नामांकन मिळालेला रायटिंग विथ फायर हा एकमेव भारतीय चित्रपट आहे.
रायटिंग विथ फायरची कथा काय आहे?
ऑस्कर नामांकन 2022 च्या शर्यतीत 'रायटिंग विथ फायर' या स्पर्धेत असेन्शन, अटिका, फ्ली आणि समर ऑफ सोल देखील आहेत. 'रायटिंग विथ फायर' या माहितीपटाचे दिग्दर्शन रिंटू थॉमस आणि सुष्मित घोष यांनी केले आहे. 'रायटिंग विथ फायर' या कथेबद्दल बोलताना दलित महिलांनी चालवल्या जाणाऱ्या 'खबर लहरिया' या वृत्तपत्राची कथा सांगितली आहे. बुंदेलखंड प्रदेशातील चित्रकूट येथे 2002 मध्ये दिल्लीस्थित एनजीओ 'निरंतर' ने याची सुरुवात केली होती.
वृत्तपत्रातून या मुद्द्यावर उठवला होता आवाज
'रायटिंग विथ फायर' (2021) या माहितीपटात 'खबर लहरिया'चा प्रिंट मीडिया ते डिजिटल मीडियापर्यंतचा प्रवास दाखवण्यात आला आहे. मीरा आणि तिच्या सहकारी पत्रकारांची कथा या चित्रपटात चांगली मांडण्यात आली आहे. वृत्तपत्राच्या माध्यमातून या महिला पत्रकार समाजातील प्रचलित पुरुषसत्ताक व्यवस्थेवर प्रश्नचिन्ह उपस्थित करतात. या प्रकरणात पोलीस दल कमकुवत आणि अक्षम का आहे, याचाही तपास केला जातो. यासोबतच जातीय आणि लैंगिक हिंसाचाराला बळी पडलेल्यांच्या व्यथाही त्या वर्तमानपत्राच्या माध्यमातून समोर आणतात.
कसा साध्या झाला प्रवास?
या काळात या दलित महिलांना वृत्तपत्र चालवण्यासाठी वारंवार आव्हानांना सामोरे जावे लागले, असेही या माहितीपटात पाहायला मिळत आहे. या आव्हानांमध्येही या दलित महिलांनी स्वत:ला समाजात प्रस्थापित करून पुढे जाण्याची ही कहाणी अतिशय रंजक आणि धक्कादायक आहे.
ऑस्कर पुरस्कार सोहळा 27 मार्च रोजी हॉलिवूडच्या डॉल्बी थिएटरमधून ABC वर थेट प्रसारित केला जाईल. ग्लेन वेइस ( Glenn Weiss ) या समारंभाचे दिग्दर्शन करणार असून या वर्षी विल पॅकर ( Will Packer ) प्रसारणाची निर्मिती करणार आहेत.
हेही वाचा -Oscars 2022 Nominations: 'द पॉवर ऑफ द डॉग'ला १२ नामांकने, पाहा संपूर्ण यादी
