मुंबई - बॉक्स ऑफिसवर सध्या 'वॉर' चित्रपट एकापाठोपाठ एक विक्रम रचत आहे. पहिल्याच दिवशी ५० कोटी पार केलेल्या या चित्रपटानं अवघ्या ७ दिवसात २०० कोटीची कमाई केली. हृतिक रोशन आणि टायगर श्रॉफ यांच्या करिअरमधला आत्तापर्यंतचा हा सर्वाधिक कमाई करणारा चित्रपट ठरला आहे. भारतातच नाही, तर विदेशातही या चित्रपटाची क्रेझ पाहायला मिळत आहे. दक्षिण अमेरिकेत हा चित्रपट सर्वाधिक जास्त कमाई करणारा भारतीय चित्रपट ठरला आहे.
हेही वाचा -'तुफान' चित्रपटाच्या शूटिंगदरम्यान फरहान अख्तर जखमी
'वॉर' चित्रपटातील दमदार अ‌ॅक्शन आणि सस्पेन्स प्रेक्षकांना सिनेमागृहाकडे आकर्षित करण्यात उपयुक्त ठरला आहे. आत्तापर्यंत या चित्रपटाने बरेच विक्रम मोडले आहेत. 'उरी - द सर्जिकल स्ट्राईक' या चित्रपटाच्या संपूर्ण कमाईचा रेकॉर्ड मोडत 'वॉर'ची ३०० कोटीकडे वाटचाल सुरू झाली आहे.