मुंबई -बॉलिवूड अभिनेता विवेक ओबेरॉय मध्यंतरी 'पीएम नरेंद्र मोदी' यांच्या बायोपिकमुळे प्रकाशझोतात आला होता. यादरम्यान निवडणुका सुरू असताना विवेकने ऐश्वर्या राय बच्चन संबधी एक वादग्रस्त ट्विट केले होते. तेव्हा त्याच्यावर प्रचंड टीका झाली होती. आता पुन्हा एकदा अशाच एका ट्विटमुळे तो सोशल मीडियावर ट्रोल होत आहे.
१२ जुलै रोजी भारत विरुद्ध न्युझीलंड सामन्याचा उर्वरीत खेळ हा १३ जुलैला रंगला होता. मात्र, या सामन्यात भारताला पराभव पत्कारावा लागला. या पराभवानंतर क्रिकेटप्रेमींकडुन संमिश्र प्रतिक्रिया उमटत होत्या. मात्र, विवेकने या अपयशावर त्याच्या ट्विटर अकाऊंटवर एक मिम शेअर केले आहे. यामुळे सोशल मीडिया युजर्सनी त्याला धारेवर धरले आहे.