मुंबई -संगीत दिग्दर्शक विशाल भारद्वाज हे संगीत क्षेत्रातील एक मोठे नाव आहे. आपल्या संगीताने चाहत्यांवर अधिराज्य गाजवणाऱ्या विशाल भारद्वाज यांना अलिकडेच 'सर्वोत्कृष्ट संगीत दिग्दर्शक' हा पुरस्कार मिळाला आहे. ४९ व्या केरळ राज्य पुरस्कार सोहळ्यात विशाल यांना मुख्यमंत्री पिनाराई विजयन यांच्या हस्ते हा पुरस्कार प्रदान करण्यात आला.
विशाल यांनी २० वर्षांपूर्वी मल्याळम दिग्दर्शक वेणु यांचा पहिला मल्याळम चित्रपट 'दया' साठी संगीत दिग्दर्शन केले होते. आता पुन्हा २० वर्षानंतर त्यांच्याच दिग्दर्शनाखाली तयार झालेल्या 'कार्बन' चित्रपटासाठी विशाल यांना या पुरस्काराने गौरविण्यात आले आहे. तिरुवनंतपुरम येथे २७ जुलै रोजी हा सोहळा आयोजित करण्यात आला होता.