मुंबई -बॉलिवूड अभिनेत्री विद्या बालन लवकरच मानवी संगणक अशी ओळख असणाऱ्या 'शकुंतला देवी' यांच्या बायोपिकमध्ये झळकणार आहे. या चित्रपटाचा फर्स्ट लूक काहीच दिवसांपूर्वी प्रेक्षकांना पाहायला मिळाला. आता या चित्रपटाच्या प्रदर्शनाची तारीखही जाहीर करण्यात आली आहे. विद्या बालनने आपल्या सोशल मीडिया अकाऊंटवरून खास गणितीय भाषेत प्रदर्शनाची तारीख सांगितली आहे.
मानवी संगणक अशी ओळख असणाऱ्या शकुंतला देवी या गणित विषयात अतिशय पारंगत होत्या. अनेक अवघड अवघड गणितीय समीकरणं त्यांनी बोटावर सोडवली आहेत. त्यामुळेच त्यांचा प्रवास मोठ्या पडद्यावर दाखवण्यात येणार आहे. त्यांच्या अचाट बुद्धीची गाथा 'शकुंतला देवी' या बायोपिकमध्ये पाहायला मिळणार आहे. विद्या बालन यामध्ये मुख्य भूमिकेत दिसणार आहे.