मुंबई - 'मसान', 'राजी' आणि 'द सर्जिकल स्ट्राईक', यांसारख्या चित्रपटात विकी कौशलने आपल्या दमदार अभिनयाची झलक दाखवली आहे. अल्पावधितच त्याने प्रचंड लोकप्रियता मिळवली आहे. आता 'भूत- द हॉन्टेड शिप' या चित्रपटात तो थरारक भूमिकेत पाहायला मिळणार आहे. नुकतेच या चित्रपटातील त्याचे फर्स्ट लुक पोस्टर प्रदर्शित करण्यात आले आहे.
विकी कौशलसोबत भूमी पेडणेकर देखील या चित्रपटात झळकणार आहे. चित्रपटाच्या पहिल्या पोस्टरमध्ये विकी कौशलच्या पाठीवर भूत असल्याचे पाहायला मिळते. तर, दुसऱ्या एका पोस्टरध्ये भूतांच्या हातांमध्ये तो अडकलेला दिसतो. या पोस्टरवरून हा चित्रपट गुढ रहस्याने भरलेला असल्याचा अंदाज येतो. या पोस्टरनंतर आता चाहत्यांना या चित्रपटाच्या ट्रेलरची प्रतीक्षा आहे.