मुंबई -अभिनेता वरुण धवन सध्या त्याच्या आगामी 'कुली नंबर १' चित्रपटाच्या रिमेकमध्ये व्यग्र आहे. त्याचा 'स्ट्रिट डान्सर' हा चित्रपट देखील लवकरच प्रेक्षकांच्या भेटीला येणार आहे. वरुण धवन त्याच्या मस्तीखोर अंदाजामुळेही लोकप्रिय आहे. सोशल मीडियावर त्याचे बरेचसे फोटो आणि व्हिडिओ शेअर करत असतो. अलिकडेच त्याने त्याच्या जीमट्रेनरसोबतचा एक व्हिडिओ सोशल मीडियावर शेअर केला आहे. या व्हिडिओमध्ये त्याचा मजेशीर डान्स पाहायला मिळतो.
'कुली नंबर वन'च्या शूटिंगदरम्यान त्याने वर्कआऊट करताना एक व्हिडिओ शूट केला. त्याच्या जिमट्रेनरचा वाढदिवस असल्याने दोघांनी एकमेकांसोबत धमाल केली. दोघांनीही 'तुम तो ठेहरे परदेसी' गाण्यावर मजेशीर डान्स केला. हा व्हिडिओ शेअर करुन वरुणने त्याच्या जिमट्रेनरला वाढदिवसाच्या शुभेच्छादेखील दिल्या आहेत.
हेही वाचा -सुशांत सिंग राजपूतच्या ५० स्वप्नांची यादी पाहून रेहा चक्रवर्तीने दिली 'ही' प्रतिक्रिया