मुंबई - अॅक्शन, ड्रामा, रोमान्स, थ्रिल आणि सस्पेंसने भरलेला प्रभास आणि श्रद्धा कपूरच्या जोडीचा 'साहो' अखेर आज (३० ऑगस्ट) प्रदर्शित झाला आहे. 'बाहुबली २' नंतर प्रभासला पुन्हा पडद्यावर पाहण्यासाठी त्याचे चाहते आतूर झाले होते. म्हणूनच पहिल्याच दिवशी 'साहो' पाहण्यासाठी चाहत्यांच्या सिनेमागृहात अक्षरश: उड्या पडल्या आहेत. तसेच, ट्विटरवरही चाहत्यांच्या भरभरुन प्रतिक्रिया येत आहेत.
'साहो'च्या अॅक्शन सिन्सपासून ते व्हिएफक्स पर्यंत सर्वच गोष्टींची छाप चाहत्यांवर पडल्याचे पाहायला मिळतेय. कोणाला चित्रपटाच्या भव्यदिव्य सेट्सने प्रभावित केलं आहे. तर, कोणाला प्रभासच्या अभिनयाने. फर्स्ट डे फर्स्ट शो पाहणाऱ्यांनी या चित्रपटाला प्रभासच्या करिअरमधला मास्टरपीस म्हटले आहे. यावरुन 'साहो'ला प्रेक्षकांचा सकारात्मक प्रतिसाद मिळत असल्याचे स्पष्ट होत आहे.
दिग्दर्शक सूजीत यांनी दिग्दर्शित केलेल्या या चित्रपटाचं बजेट ३५० कोटी इतके आहे. त्यामुळे या चित्रपटाकडून निर्मात्यांसह चाहत्यांनाही बऱ्याच अपेक्षा आहेत.