मुंबई -अभिनेत्री सनी लियोन हिची चाहत्यांमध्ये मोठ्या प्रमाणात क्रेझ पाहायला मिळते. त्यामुळेच तिची एक झलक पाहण्यासाठी चाहते उत्सुक असतात. असे असताना जर तिचा मोबाईल नंबरच मिळाला तर काय होईल, याचा अंदाज लावणं कठिण आहे. मात्र, अलिकडेच प्रदर्शित झालेल्या 'अर्जुन पटियाला' या चित्रपटात ती तिचा मोबाईल नंबर सांगताना दिसते. त्यानंतर मात्र तिच्यामुळे दिल्लीच्या एका युवकाची झोप उडाली आहे.
त्याचं झालं असं की, 'सनीने 'अर्जुन पटियाला' या चित्रपटात छोटी भूमिका साकारली आहे. या चित्रपटाच्या एका सीनमध्ये ती तिचा मोबाईल नंबर सांगताना दिसते. हा मोबाईल नंबर दिल्लीच्या पीतमपुरा येथे राहणाऱ्या एका युवकाचा आहे. आता चित्रपट प्रदर्शित झाल्यानंतर अनेकांनी तो नंबर टिपून घेतला. त्यानंतर या युवकाच्या मोबाईल क्रमांकावर बरेचसे फोन सुरू झाले.