मुंबई - द कपील शर्मा शो सध्या पुन्हा एकदा प्रेक्षकांच्या चांगल्या पसंतीस उतरतोय. या शोमधील सहकलाकार उत्तम कामगिरी करीत असले तरीही सुनिल ग्रोव्हरची अनुपस्थिती प्रेक्षकांना जाणवत असते. अशावेळी अलिकडेच त्याच्या चाहत्यांच्या आशा पल्लवीत झाल्या. सुनिल ग्रोव्हरने ट्विट करुन जे सांगितले त्यावरुन तो पुन्हा कपील शर्मसोबत काम करणार असाच तर्क चाहत्यांनी काढला.
खरंतर काही दिवसापूर्वी या ट्विटनंतर सुनिल ग्रोवेहरने एक मुलाखत दिली. यात त्याला कपील शर्मा शोमध्ये परतणार असल्याचा प्रश्न विचारण्यात आला. त्याला उत्तर देताना तो म्हणाला, माझ्या ट्विटचा असा अर्थ लोक का लावत आहेत, ते मला माहिती नाही. माझ्या ट्विटमध्ये तर तसे काहीच नव्हते. या बोलण्याला काही अर्थ नाही आणि असे काही घडणार नाही. फॅन्स ट्विटवर कॉमेंट्स करतात परंतु त्या कॉमेंट्सवर तुम्ही बातमी नाही बनवू शकत.