सावरकरांच्या पुतळ्याला चपलांचा हार घालणं निंदनीय, सुबोध भावे संतापला

सुबोधनं आपल्या ट्विटर अकाऊंटवरुन ट्विट करत म्हटलं, सावरकरांचे विचार पटायला हवेत किंवा नाही हा ज्याच्या त्याच्या व्यक्तिगत स्वातंत्र्याचा विषय आहे,पण म्हणून त्यांच्या पुतळ्याला चपलांचा हार घालणं आणि त्याची विटंबना करणं हे निंदनीय आहे.

मुंबई - दिल्ली विद्यापीठात स्वातंत्र्यवीर विनायक दामोदर सावरकर यांच्या पुतळ्याची विटंबना करण्याचा प्रकार काही युवकांनी केला होता. याच घटनेचा अनेक स्तरांतून संताप व्यक्त होत असून अनेकांनी निषेध व्यक्त केला आहे. यात आता आपल्या परखड मतामुळे ओळखल्या जाणाऱ्या सुबोध भावेचाही समावेश झाला आहे.

सुबोधनं आपल्या ट्विटर अकाऊंटवरुन ट्विट करत म्हटलं, सावरकरांचे विचार पटायला हवेत किंवा नाही हा ज्याच्या त्याच्या व्यक्तिगत स्वातंत्र्याचा विषय आहे,पण म्हणून त्यांच्या पुतळ्याला चपलांचा हार घालणं आणि त्याची विटंबना करणं हे निंदनीय आहे. स्वातंत्र्य लढ्यातील सर्वांबद्दल नितांत आदर माझ्या मनात आहे आणि या घटनेचा मी निषेध करतो.