मुंबई -बॉलिवूडचा 'किंग' शाहरुख खानची जगभरात तुफान लोकप्रियता पाहायला मिळते. बऱ्याच दिवसांपासून त्याच्या चित्रपटासाठी शाहरुखचे चाहते आतुर झाले आहेत. छोट्या पडद्यावरून शाहरुख प्रेक्षकांच्या भेटीलाही येतोय. सोशल मीडियावरही त्याच्या चाहत्यांची संख्या प्रचंड आहे. यामध्ये आता आणखी वाढ झाली आहे. चाहत्यांचं हे प्रेम पाहुन शाहरुखने सर्वांचे आभार मानले आहेत.
फेसबुक, ट्विटर, इन्स्टाग्राम या सर्व माध्यमातून शाहरुखचे अपडेट्स त्याच्या चाहत्यांना मिळत असतात. त्याच्याबद्दल जाणून घेण्यासाठी सोशल मीडियावर त्याला बरेच चाहते फॉलोही करतात. ट्विटरवर त्याच्या फोलोअर्सची संख्या ही तब्बल ३९ मिलियनच्या घरात पोहोचली आहे. त्यामुळे शाहरुखने हा आनंद सोशल मीडियावर शेअर केला आहे.