मुंबई - बॉलिवूड सुपरस्टार शाहरुख खानला १० व्या मेलबर्न इंडियन फिल्म फेस्टीव्हलमध्ये 'एक्सलन्स इन सिनेमा' अॅवार्ड देण्यात येणार आहे. ८ ऑगस्टला हा पुरस्कार देण्यात येईल. व्हिक्टोरियाच्या राज्यपाल लिंडा डेसाऊ यांच्या हस्ते हा पुरस्कार पलास थिएटरमध्ये प्रदान करण्यात येईल. भारतीय सिनेमा आणि लोकप्रिय संस्कृतीमध्ये निरंतर योगदान दिल्याबद्दल शाहरुख खानला हा पुरस्कार दिला जाणार आहे.
शाहरुख म्हणाला, "भारतातील अनेक विभागातून मेलबर्नला आलेल्या माझ्या इंडस्ट्रीतील लोकांसमोर आणि मंचावर मी पोडियम शेअर करेन, हा माझ्यासाठी शानदार अनुभव असेल."