मुंबई - स्वप्निल जोशीच्या 'मोगरा फुलला' या सिनेमाचं पहिलं वहिल पोस्टर आता आपल्या भेटीला आलं आहे. श्रावणी देवधर यांनी बऱ्याच वर्षांनी या सिनेमाद्वारे कमबॅक करण्याचा निर्णय घेतलाय.
'मोगरा फुलला' या सिनेमात स्वप्निलसोबत साई शक्ती आनंद, नीना कुलकर्णी, चंद्रकांत कुलकर्णी, संदीप पाठक, आनंद इंगळे, सुहिता थत्ते, समिधा गुरू, विघ्नेश जोशी, दीप्ती भागवत, प्राची जोशी, विक्रम गायकवाड यांच्या मुख्य भूमिका आहेत.
श्रावणी देवधर यांच्या या सिनेमातून कौटुंबिक जबाबदाऱ्या पार पाडता पडता लग्नाचं वय सरून गेलेल्या एका तरुणाची गोष्ट मांडण्यात आली आहे. त्यांच्या आयुष्यात एका संपूर्णपणे वेगळ्या पार्श्वभूमीची मुलगी येते आणि त्याचं आयुष्य कसं बदलून जातं ते या सिनेमातून दाखवण्यात येणार आहे. श्रावणी देवधर यांच्यासोबत लेखक सचिन मोटे यांनीही या सिनेमाच्या कथेवर काम केलं आहे.
अर्जुन सिंग बारन आणि कार्तिक निशानदार यांच्या 'जिसीम्स' या कंपनीने या सिनेमाची निर्मिती केली आहे. तर पॅनोरमा फिल्म्सद्वारे या सिनेमाचं वितरण केलं जाणार आहे. 14 जून रोजी हा सिनेमा रिलीज होईल.
