मुंबई -'बाहुबली' फेम प्रभास आणि अभिनेत्री श्रद्धा कपूर यांची जोडी 'साहो' चित्रपटात झळकणार आहे. जबरदस्त अॅक्शन, स्टंट आणि बिग बजेट असलेल्या या चित्रपटाचे आतापर्यंत प्रदर्शित झालेले टीझर प्रेक्षकांच्या चांगलेच पसंतीस उतरले. आता या चित्रपटातील प्रभास आणि श्रद्धाची लव्ह केमेस्ट्री असलेलं 'इन्नी सोनी' हे गाणं प्रदर्शित करण्यात आलं आहे.
या गाण्याला पंजाबी गायक गुरू रंधावा आणि तुलसी कुमार यांनी आवाज दिला आहे. हे गाणं हिंदी, तेलुगू, तमिळ आणि मल्ल्याळम अशा चार भाषांमध्ये प्रदर्शित झाले आहे. प्रभासनेही या गाण्याचे विविध भाषेतील पोस्टर सोशल मीडियावर शेअर केले आहेत.