Shakuntalam First Look: सामंथा रुथ प्रभूचा 'शाकुंतलम'मधील मोहक फर्स्ट लूक

आगामी 'शकुंतलम' चित्रपटाच्या निर्मात्यांनी सोमवारी चित्रपटातील समंथा रुथ प्रभूचा फर्स्ट लुक रिलीज केला आहे. शाकुंतलममधील सामंथाचा फर्स्ट लूक एखाद्या सुंदर पेंटिंगपेक्षा कमी नाही. गुणशेखर लिखित आणि दिग्दर्शित केलेला हा चित्रपट कालिदासाच्या शकुंतला या लोकप्रिय भारतीय नाटकावर आधारित आहे.

मुंबई - अभिनेत्री समंथा रुथ प्रभूचा तिच्या आगामी पौराणिक कथांवर आधारित प्रेम गाथेचे फर्स्ट लुक पोस्टर आता प्रसिध्द झाले आहे. शुभ्र परीसारखा पोशाख परिधान केलेल्या शकुंतलममधील सामंथाचा पहिला लूक एखाद्या सुंदर पेंटिंगपेक्षा कमी नाही.

पोस्टरचे अनावरण करताना सामंथाने लिहिले, "प्रस्तुत करत आहे.. निसर्गाची लाडकी.. ईथेरियल आणि डेम्युअर.. 'शाकुंतलम'मधीन शकुंतला." या पोस्टरमध्ये शकुंतला खडकाववर बसली असून तिच्याभोवती मोर, हरणे, हंस आणि फुलपाखरांनी ती वेढलेली आहे.

पोस्टरमध्ये शाकुंतलम या चित्रपटात सामंथा कोणत्या प्रकारच्या भूमिकेत दिसणार आहे याची झलक देते. कालिदासाच्या शकुंतला या लोकप्रिय भारतीय नाटकावर आधारित हा चित्रपट गुणशेखर यांनी लिहिला आणि दिग्दर्शित केला आहे. मल्याळम अभिनेता देव मोहन राजा दुष्यंतची भूमिका साकारणार आहे, तर अल्लू अर्जुनची मुलगी अल्लू अर्हा राजकुमार भरतची भूमिका साकारणार आहे.

अभिनेता कबीर दुहान सिंग राजा असुराच्या भूमिकेत दिसणार आहे तर पौराणिक चित्रपटात इतर प्रमुख कलाकार महत्त्वाच्या भूमिका साकारणार आहेत. समंथा रुथ प्रभूचा हा पहिला पॅन इंडिया चित्रपट असल्याने तिच्या सर्व आशा या दृश्यात्मक सर्जनशील पौराणिक नाट्यमय चित्रपटावर टिकून आहेत.

शाकुंतलमचे चित्रीकरण खूप वर्षांपूर्वी पूर्ण झाले असून आता पोस्ट-प्रॉडक्शनचे काम सुरू आहे. नीलिमा गुणा निर्मात्या आहेत, मणि शर्मा संगीतकार आहेत आणि दिल राजू याचे प्रस्तुतकर्ता आहेत.

हेही वाचा -'जेह'च्या पहिल्या वाढदिवशी करीनाने पोस्ट केला मुलाचा अनोखा फोटो