मुंबई -शाहीद कपूर लवकरच 'कबीर सिंग' या चित्रपटातून प्रेक्षकांच्या भेटीला येत आहे. या चित्रपटाच्या ट्रेलरची बऱ्याच दिवसांपासून चाहत्यांना आतुरता होती. काही दिवसांपूर्वीच चित्रपटाचा टीजर प्रेक्षकांच्या भेटीला आला होता. नुकताच या चित्रपटाचा ट्रेलर प्रदर्शित करण्यात आला आहे.
शाहीद कपूरच्या 'कबीर सिंग'चा दमदार ट्रेलर प्रदर्शित
'कबीर सिंग' या चित्रपटात शाहीद कपूर एका महत्वपूर्ण भूमिकेत पाहायला मिळणार आहे. हा चित्रपट संदीप वांगा यांच्या तेलुगू 'अर्जून रेड्डी' या चित्रपटाचा रिमेक आहे.
शाहीद कपूरच्या 'कबीर सिंग'चा दमदार ट्रेलर प्रदर्शित
'कबीर सिंग' या चित्रपटात शाहीद कपूर एका महत्वपूर्ण भूमिकेत पाहायला मिळणार आहे. हा चित्रपट संदीप वांगा यांच्या तेलुगू 'अर्जून रेड्डी' या चित्रपटाचा रिमेक आहे. या चित्रपटात अर्जून रेड्डीची भूमिका विजय देवरकोंडा याने साकारली होती. त्याच्यासोबत शालीनी पांडे ही अभिनेत्री झळकली होती. आता 'कबीर सिंग' या चित्रपटात शाहीदसोबत कियारा अडवाणी मुख्य भूमिकेत दिसणार आहे.
'कबीर सिंग'च्या ट्रेलरमध्ये शाहीद कपूर एका वैद्यकीय विद्यार्थ्याच्या भूमिकेत पाहायला मिळतो. कियारा ही त्याच्या प्रेयसीच्या भूमिकेत पाहायला मिळतेय. कियारा आणि शाहीद पहिल्यांदाच एकत्र या चित्रपटात भूमिका साकारत आहेत. या चित्रपटात त्यांच्यासोबत सुरेश ओबेरॉय आणि निकीता दत्ता हे कलाकारही दिसणार आहेत.
२१ जून रोजी हा चित्रपट प्रदर्शित होईल.